LMF-Crazy Children

Kit：呢班靚仔咁鬼騎呢
鬧極佢仲笑騎騎
唔知以為「林謝謝」
原來全部都係大爺
佢地話要咁就咁 理得你肯唔肯
諗到就去做 乜野叫後果
佢唔知道 恃住自己系細路
乜都當冇到 反而問番轉頭係邊度
Phat：我鍾意點就點
你可以繼續鬧 但係我都識閃
你地D大人 你講野真係煩到暈
唔好以為做多幾年人就懶沙塵
黐線 分大細莊閒 我乜都唔知
唔會聽你講 我有我主意
* 我地繼續繼續作反
大個唔要做一舊飯
我地掛住掛住去玩
大人講野就最煩 *
Repeat *
Yan：Eh? 呢班古靈精怪既
究竟係乜野
你試下去問佢地呢
佢地又會答應第樣野
佢地行為怪誕
你同佢講乜 佢都有得撐
你要佢靜落黎 正經落黎
正常落黎
佢地根本就冇呢種習慣
佢地既思想言行好似有D抽離
人地點樣睇 唔會理
換句話黎講
呢班人就直頭系厚面皮
佢地有一個世界系屬於佢地自己
你地對於佢地先至系外界
你地先至奇怪
華：我醒過你大個 唔想跟你附和
你想我認錯 我想同你「煉」過
點解我唔快樂 聽你講悶到訓直
點解我唔積極
衰俾你睇代表我冇出息
Repeat * *
# Yan：大人有大人既囉嗦
佢自己有自己既一套道理
細路有細路既嘮嘈
自己顧自己 其它人話之你 #
Repeat # * * * *
我地繼續繼續作反…