""有時真係覺得呢個年代做男人好似比個天搵笨柒
後生時對人真心，每次都專心致志去追求一個女生
結果偏偏女生喜歡壞男生，男生愈好愈唔值錢

到三十歲後，老老實實既你俾枕頭邊既老婆當左係一張有潛力升值既飯票
可憐既你仍然自己呃自己，呢段係美滿既婚姻愛情""
以上出自高登

係男人眼中0既女人係點?
係女人眼中0既男人又係點?

女仔同男仔之間.永遠都有層紗,永遠都睇唔清對方係咩人
雙方都冇諗住拉開層紗,因為雙方都認為紗只會令佢地睇唔清,而唔係睇唔見
既然雙方都唔了解對方,何必單方面以自己思想去諗野呢?
－－－－－－－－－－－－－－－－
近呢其我答車經常都會諗下d無聊野
以前未拍拖前,都唔太介意人地點諗,點睇我,有人望住我我會回避佢眼神
到拍拖後,高度保護自己,亦開始注重外表,開始介意人地點睇,怎至有人望我,我會用啤的眼神望番佢
到依家我怎至認為自己超級港女,大凍天時著短褲,比人望兩眼我就覺得佢係咸濕佬變態佬
我著短褲因為老公鐘意,但係我又要介意,又唔鐘意比人睇,但又要著…
我都唔知自己思考模式係咩…我只係想變番以前0既自己…
以前0既我唔會批評條件比我差的人,以前0既我唔會為少少野而大發皮氣,
以前0既我唔會咩都要食好0既著好0既,以前0既我依然有點童真的味道…

人漸漸長大,要開始學識面對社會,面對你眼前所發生的人與事
當你位足社會中心,你會否發覺少了往日那種發黃相片中的甜美笑容?

－－－＊ＥＮＤ＊－－－
        發黃的腦係用黎諗呢D野的…SORRY,我比較念舊…