今日已經領養左隻兔女啦~~

冇錯~~係兔女XD~~已經幫佢改左名做小吉OR吉女了~
佢依家仲好驚人~放佢係房同個箱到佢都只會縮埋去角到
唯一佢郁得最多0既地方…係我張床= =

我張床太舒服了XD~唔怪得我成日唔願起身啦~

兔仔會唔會驚凍呢~?
定係太熱呢?
佢冇飲水同食野~唔知佢係咪飽呢?

有時放隻手入個箱到佢都會驚到跳起…可憐耶
又成日見到佢係到震,唔知做D咩去安撫下佢好…

呀媽話"唔好3分鐘熱度,要養佢一世嫁"
咁我要養佢一世,咁我都要去愛護佢架!
你又唔比我抱佢,抱完佢又當佢有病咁
叫我洗手都算啦,洗唔洗消毒呀?
大佬,果隻兔仔黎咋!你當佢係病菌呀?

兔仔睇黎好驚有巨響
但係呀哥同呀媽講野好大聲,睇黎要放佢入房先得~
好啦~唔打啦~~係咁多先~~

另外＊ＤＭＶ３下星期來了∼∼∼＊
再另外＊seed d部新機好正唷XD＊

－－－＊ＥＮＤ＊－－－

　　ＢＹ我會好比心機去養小吉∼養到佢肥肥白白的凱

嗯,好耐冇認真打日記啦~今日決定打多過十隻字
(已經過左)

好啦,今日我12點幾1點起左身~3點鐘去到cwb~
今日0既目的係睇兔仔∼∼
當我抱起隻白雪雪０既兔仔時
已經有種"絕對要養佢"0既念頭…
不過今日冇錢T_T....
而且隻兔仔都唔平,成五舊水的…
隻兔仔如無意外應該聽日會買~
因為應該聽日出糧~~應該

依依不捨咁離開左賣兔仔0既店舖之後
我再次入到機鋪XD
因為實在太就腳~~~~
死人無煙好多人買保險呢~
職業病想發作XD
「先生,麻煩你開局丫。」

當然我冇咁做啦~~~又唔關我事0既XD

跟住打完機就行下街咁啦~
行完去答8P番小西灣
跟住見到個賣花的老頭,
之前係灣仔果到答車去到SOGO站時見到呢個呀佰好慘
我係巴士到話過~!如果比我見到佢0既,一定幫佢買
結果今日真係見到而我又咁難得有記性~
所以就買左啦~
D花唔香,反而有小小臭…已經比我放置左係廁所XD
相信不久之後會有人問廁所D臭花邊個放XD

跟住0既事就係開電腦同老公傾計~
跟住就係打呢個咁0既死人日記~
好難得今日似番個日記~呵呵

－－－＊ＥＮＤ＊－－－

　　　　　ＢＹ：番工好似放假，放假好似禮拜日，日日游手好閒的凱

今日我生日,打多兩隻字先

完

－－－＊ＥＮＤ＊－－－

　　　　　　　　ＢＹ：好想同ＳＵＫＩ隻揪隻的凱XD