今日表面睇起黎既我,,好似好開心,,但係其實我好唔開心,,今日派左兩科考試卷,,兩科我都有9字頭,,但係我覺得我自己考得好差,,兩份卷都咁容易,,有咩可能只係得呢個分數?我媽咪問我有冇盡力,,我話根本完全冇發力,,佢就話:如果你盡晒力,,你就問心無愧喇~但係如果你冇盡力,,你冇對我唔住,,亦唔洗驚我會鬧你,,因為你只係對你自己唔住,,你而家無需要答我,,只需要答你自己,,如果你盡晒全力又唔大意既話你又會攞咩分數呢?其實我覺得如果我唔大意既話我就可以攞倒滿分,,根本就唔洗盡全力,,因為份卷係極奇地容易,,唉......

仲有唔開心,,我今日發現我好勝(即係乜都要羸)既程度好高,,仲犀利過我對我嗰份友誼所負出既,,以前我成日都覺得友情喺我心目中既地位係冇野可以代替既,,但係我今日發覺我以前係個口一套,,個心一套,,詳細既唔喺度再打,,我自己喺日記簿度寫~

總之我今日就係好唔開心,,好想靜吓...