我今日正係留係屋企做功課．．．做資料搜集．．．救我呀

吳兆(津)請我去佢生日會，但係因為嗰日係星期５，我要學野學到６：１５先可以去，即係７：００先可以去到∼但係佢個生日會又係５：００至９：００∼初初我問我媽咪可唔可以唔學野既時候，佢即刻話：你唔可以再因為玩而唔學野喇，因為你上星期先試過一次∼本來我以為絕望嫁喇∼所以成晚扭計 之後爸爸放工番到黎，我問佢可唔可以去，佢竟然話：你想去就可以去啦，爸爸信得過你∼好野∼我可以去喇∼但係媽咪始終都係要我學完野先可以去∼我明既∼爸爸賺既係血汗錢嘛∼總之爸爸比我去，又比我９：００番就得喇∼講真呀∼其實我覺得我爸爸真係好愛我媽媽，只要你睇過佢地ｄ情信你就會知嫁喇

踢 足球係我最憎做既運動∼今次仲要用踢 黎做體育考試喎∼擺明對ｄ女仔唔公平啦∼ 真係呀∼今日就未輪到我考，但係我遲早都要考∼與其叫我係全班面前出醜，不如比個D我算啦∼我唔介意故喎，反正呢科都唔係咁重要∼我真係唔想做(初季)呀∼ 又如果我一踢，好似上次賴文俊咁就唔好啦∼佢一踢，ｄ風定唔知周繼堯整走左個 ，跟住佢踢唔中個 ，即係踢個空，仲跌倒添呀∼唉．．．我唔考呀

今日顧老師又係度代張老師，佢又如常地咁搞笑，逗得我地咁開心，不過佢聽日就要走喇∼我都有ｄ唔捨得佢既．．．算啦∼呢個人將會永遠留係我心入面

今日係我開左日記之後最開心既一日∼大部份同學都要考ＴＳＡ，不過佢抽唔到我喎，不知幾好呀∼我個ｆｄ比人抽中，佢話有得睇哈利波特，但係我就寧願唔睇，係人都知我最憎考ｏｒａｌ嫁啦~跟住比人抽中嗰d人走左之後,我地就留係課室做功課,又可以自由調位喎~你話幾好呢~於是我係學校一口氣做晒d功課,番到屋企就睇電視,玩電腦,總之就係吃喝玩樂(my hobby)都齊晒~你話係咪好彩既一日呢~

今日張老師去左第二間學校幫人考TSA，有老師黎代，佢姓顧，佢話第一次黎千禧學校喎∼不過我都相信佢冇講大話既，因為我都相信佢既年紀都有番咁上吓嫁喇∼我認我係覺得呢個老師幾好，佢風趣幽默，而且都教得幾好，但係我覺得佢太有潔癖，狂係度叫陳穎彤用條布左擦擦右擦擦(佢好慘)，幾鬼搞笑，又話我地咩學粉筆畫，真係笑到我嘴都歪，仲係度話咩食法國野，日本野．．．唉講唔晒咁多，不過我永遠唔會忘記呢個好老師∼

(衰)然我有位咁搞笑又好既老師黎代課，但係我聽日仍然係要考TSA，E個係一個改變唔倒既事實，咁我唯有帶住想死想死既心情去面對呢個咁殘酷既現實啦!

唉．．． 呀！呢ｄ天氣真係令人煩躁 爸爸又死都要做佢最鍾意做既野∼釣魚，我都阻止唔倒佢 唯有留係屋企做資料搜集把啦∼

功課同考試令我困擾∼試問我活係呢個世界又有咩意義．．．只有愛可以拯救我，究竟我幾時先至可以(雲)到我嘅真愛？