好似已經入左秋 好涼 有d寒寒地 身體機能又差左 唉好虛弱 無一日夠訓過 日日撐足12個鐘 好攰
班裏面好多人病 好似變左疫區咁 三份二人帶口罩 有人買左口罩上黎免費比我地 感覺好溫暖 好好人
大家都小心d身體啊 我都好似中左招 喉嚨有d痕 仲有d頭痛 鼻敏感發左 好辛苦 個鼻就黎爛 成身無力
仲有2個星期捱埋去 common test好似無以前咁辛苦咁難頂 但係真係好難 唔夠時間 終於有d野handle唔到
timetable好好 覺得時間好用左 就得番4日就sport day 好趕好趕 趕過上年 不過下年可能已經唔係社職
自己都諗左好耐 究竟係咪真係決定咁做 但呢排越黎越覺得我決定無錯 咁當然始終都有d唔捨得
但都已經應承左 未知之數由他吧 好好咁享受埋最後一年既初中生活 之後就無咁多時間玩 做自己鐘意既事
仲有2個星期就sing con 作個首歌 唔知點解越唱越唔想係呢首歌 之前好想作呢類形既快歌 結果作到出黎
第一下感覺好爽 係自己一直以黎想要既野 但越唱越覺得唔對路 其實根本唔係自己既style 好沮喪
特登寫首咁既快歌 就係為左sing con 想比人聽到我並唔係獨孤一味得一種風格 想試新野 但顯然我係失敗
我怕自己失去左自己寫歌既原意 2個星期要嘔首歌出黎 我想係浸出黎唔係嘔出黎 唔要係壓力谷成首歌
第一首歌是怎樣寫出來 真係彈琴彈下彈左出黎 好懷念 唔想有種感覺 係為梗人地而寫歌 係為唱比人聽
好多人好理所當然咁問我 喂今年sing con唱咩啊 我有d突然 haha雖然我都真預左玩 但好似無左個種興奮
船到橋頭自然直 得既 聽日去睇中國好聲音演唱會 好期待 我依然相信 就算一輩子都失敗 只要有夢想 就已經成功
|
