玩左咁多日係時候要收下心 要開始番學啦咪掛住玩 但其實我已經倒數梗幾時到新年放假omg

派卷 考得其實ok 講就話無所謂 但其實自己好難接受 當初又係自己簡唔好push得自己咁勁

想放鬆下玩下 hea埋呢個f2佢 但自己一定要為自己所選擇既而付出代價 做人邊可以咁貪心

無錯我係對自己要求高 無錯我係輸唔起 無錯我好想做到我認為好既地步 但當你咩都唔付出

只係靠前一日先黎溫書 想拎高分？唔好咁異想天開啦好無 掛住玩又想考得好會唔會過分左d

今次考試的確我係無咩點溫書 但我唔想聽咩下次再努力之類既說話 我知我呢次並唔係失手咁簡單

路係自己簡既就要承擔後果 咁當然如果想考好d的話係有辦法 每日溫書囉但問心 我真係想咁咩？

個問題已經唔再圍繞係我拎幾高幾低分 係我自己心態問題 我對每一樣野的確係有一定既要求

當然呢份執著往往都會令我將呢件事做到我預期中既目標甚至更好 但我知道我付出左幾多

其實都預左係咁既不過真正要接受既時候係有d難受 唔係話想幾高幾高分 再講一次我想既唔係高分

我唔開心唔係因為我唔達到自己目標定係唔夠邊個邊個高分 當然比較意識係會有係度既

由其係入左a班競爭會大左好多 知道人地幾咁高分都會令我自我提升得更加好但唔係壓力唔辛苦

但最令我唔開心既係自己 我無盡我全力去考 知道呢d野係我能力範圍內既但就係因為我懶

我接受唔到自己 我問心有愧 我係好自責 雖然exam梗係有好多事發生左 無疑係影響左我讀書既心

但呢個絕對絕對唔係一個比自己既藉口 用呢樣野扼到所有人咁又點 始終考試係自己一個人既競賽

唔會扼到自己 係點都唔會 好內疚 覺得好對唔住自己 但我想要既解決辦法唔係話下次努力咁簡單

而係我待人接物既態度 唉其實覺得自己真係好煩 我自己都唔明點解比同期既人諗多咁多野

咪又係搞著自己煩 其實要改變自己既心態真係一件好難既事 我都唔知想點 應該係話唔知應該點

考試 要挑戰既 真係自己 好多人睇我睇到將得失睇到好重要 其實唔係 你地睇到既 只係好表面

比如話其他人誤解我 不如話我唔識表達自己 唉聽日繼續派卷繼續失望 人總要一步一步 才學會甚麼是成長