莫名其妙的低落 又係咁 真係完全唔知咩事 已經係度諗梗邊日唔番學 但係其實無邊日可以唔番

話就話我上堂點都係唔聽書 但總有d堂我都會聽既 個d唔聽真係會唔識 但真係好攰好悶無心聽

終於派哂卷 websams都已經出左分 我睇左幾個計落去已經唔想再睇 我已經唔想接受現實

我驚等到出排名個陣我會崩潰 所以我都係唔睇了 真係好後悔 可能其他人會覺得我變態又好串又好

我係幾唔開心下 真係有必要重新考慮一下下學期既目標 但我係好唔想番學唔想聽老師講野 催眠到呢

我鐘意自修 我就算唔聽書我都一定會背後理解番本書講梗咩 放學無野做結果都係去左圖書館溫書

我都覺得痴線 考完試都唔夠1個星期又開始溫書 我都覺得自己好過分 但我真係好唔甘心

我唔明點解自己可以咁 始終都會有d唔舒服 咁溫書都可以比自己唔好亂諗野 可以專心溫下書

science成個ch.8唔識無聽過書 電好複雜 突然覺得bio好好讀 我大個一定係讀phy chem bio架啦

要一次過自己追番哂8.1至8.7真係有d難道 今日好專心咁溫左3個鐘總算知道本書up梗d咩野

不過唔聽書有個唔好處係無得做番d experiment 都唔知要考practical test個陣點算 一定唔識做

一路溫先發覺原來都幾多問題下 結果草埋一大堆問題下次上堂問 溫番書突然感覺非常良好

唉無啦啦牙痛 2年前痛個度又復發 痛到食唔到野 明明1年前已經斷尾 唔知點解又痛番 唉禍福無常

結果拿拿林book左聽日睇牙醫 醫院個邊早極只可以到3月尾 胃痛又好頻密 個人成日好容易會攰

唉身體差 好多野都力不從心 所以真係想快d好番 可以做我想做既 化了妝的祝福 still remember please