chur足成個3月 想搵小小時間比自己都唔得 呢2日sport day終於都完左 為呢個sport day準備左好多野
sport day前一日本來都幾好天 放學係度包banner個陣突然之間行雷閃電勁大雨 心裏面第一個反應係
開左學半年有多都好少何落雨 仲要係sport day前先黎落要 祈禱左一千萬次唔好落雨 cancel左的話真係喊出黎
前一日先黃雨過黎 點知第二日31度曬到媽媽都唔認得 第二日就無太陽仲有d風好涼爽以為係一個大好天
點知開始落起毛毛雨 仲話可能會cancel某d賽事 即刻祈禱 結果上帝聽禱告下奏無再落雨又唔熱 thanks god!
唔想自己付出一切既努力咩都無哂 sport day呢個日子從來都唔屬於我 所以嘗試讓自己活得有意義點
今年做左社職 其實一開始真係有d淆 得我1個f2要同14個完全陌生既人一齊做野 其實諗番起真係覺得好傻
行社每一個人都好友善 大家都對我呢個f2仔好好 3月每個放學就係度幫手整飾物 變左摩打手串手鏈
之後又要痴痴貼貼 幫手係度畫豹整banner 放假都要番黎開工 大家有講有笑 成日串我笑我我又串番你
雖然整到成身好攰但大家都好齊心 sport day呢2日相處得好好 成日話我係冗員但明明我日日放學都有黎幫手:0)
多謝行社咁多個社職咁關照我 我真係好鐘意呢份工作 雖然係真係好辛苦但睇住自己既製成品真係好感動
love u all guys 下年相處要依舊愉快啊 btw下年我唔要做文書 啦啦隊不斷求人入黎希望聲大d可以拎番冠軍
上年失落左應承左人今年一定要拎得番 雖然我無嗌到聲沙但至少我用左全力嗌 結果真係冠軍 啦啦隊so good
有d人覺得啦啦隊好悶 有d人認為啦啦隊嗌黎好無謂 有d人認為啦啦隊嗌得幾勁都好都唔會令運動員跑得快d
但呢d機會幾時會有 大個出黎做野個陣你唔會再有一班社員同你一齊癲一齊嗌 番學校練習變左玩捉迷藏
d啦啦隊飾物要咁靚黎做咩 就係想有人鐘意 有人去讚有人去欣賞 呢樣野係自己喜歡既 就唔好放過呢個機會
哈今年仲玩埋社舞 本身我都無諗住玩 聽其他社既f2社職話玩咁我咪玩埋一份囉 點知最後得番我1個f2 again
又開始淆 但真係好好玩 平日番學已經夠攰放學忙完社職之餘再要去社舞 成個3月真係可以稱得上係筋疲力盡
好多日都直踩12個鐘 練既過程辛苦都爆 手手腳腳係咁重複又上又落痛到喊出黎 當練好哂既時候得5分鐘show
感覺有d空虛 畢竟練左3個星期 得出黎既野得5分鐘 但係由0去到1已經覺得好把閉 好愛社舞唔捨得咁就完
由一開始好多人唔黎練 跳得唔好又諗唔到點排 唔滿意每個社既solo 到真係要表演前個幾日要出到運動場練
比出面d人話完 又比老師阻止埋練 係呢個時候大家就團結起黎 仲一齊番學校練做最後衝刺為既就係good show
最後 盡左我地全力 將呢場good show帶比大家 呢場sport day 無悔了 付出係有收穫的 really enjoy it i love it<3
Finally, Thanks GOD:)
|
