今日第一堂就要默書喇

我尋晚有背到所以我識

劉sir又冇返喇,究竟佢做咩唔返呢???我地科數學完全冇開始...

世史又聽埋陳sir d吹水野

中文同婷婷,琍琍,柏林玩吓,聽吓miss 講野咁啦

lunch同大衛,mimi,sandy,年糕,亞點,維西食

傾吓計咁,兩點幾返歸

如常返學

劉sir今日又唔返,搞錯呀,我地有交學費架!!!我想知我maths成績呀

上晝都係無無聊聊咁上堂

lunch同大衛,維西,heidi,亞點,年糕,sandy,mimi,菜心食飯

下晝入禮堂聽會考d野,佢地講到好似好易咁=.=

放學同大衛坐車返歸

想見你....

今日就正式上課喇..

一返到去就係咁收回條,鬼死咁多,學校明明幫佢地將d回條釘埋一齊,有d人就散晒咁交俾我

搞到我要逐張逐張分好,分完又要按學號排好晒,再check吓有咩人冇交

做班長唔係好好玩咋

thx柏林,大衛同婷婷幫吓我,唔該晒

d堂都好易過,頭兩堂處理班務

第三堂中文,我冇得再做中文副科長喇,因為做左班長=.=我寧願做中文副科長

之後兩堂英文,好快過

音樂:好搞笑,miss 講講吓野以為我食野,問我個口白色個d咩黎,咁我真係冇食野,答佢牙囉...成堂都好搞笑

maths:劉sir冇返,有人代課

由於下晝唔使返,所以12:55就走得喇

今日就係正式返學既日子喇

我,大衛,郭展,肥鄒同樂哥一齊塔的士返學

今日年要用學校新翼...個班房好大,可能應該係我地班小人,得34人...9個男仔咋=.=我總係覺得個班房好似個監倉,好密封...

我地多左個重讀生,係女仔黎架,唔記得叫咩名

一開始就要處理一大堆開學既野,派通告,選班長,選班會個d...

好無奈囉...選班長個時,我,大衛,海南,志華都俾人提議做班長...投票個時,我以24票既大比數當選=.=真係多得你地唔少!!!

最後我,志華,heidi,林錫筠做左班長....

小息之後入禮堂...去禮堂個時見到新黎個外籍老師,嘩!!!!超靚女,人又高,天使既面孔,model既身型

校長介紹老師個時...介紹其他老師都冇人歡呼,一到呢個美女個時,d歡呼聲幾大聲呀

好遺憾,佢唔係教我地.....

放學同筠筠,阿伈,阿衍,大衛上返4a班攞返上年d野,走個時我同大衛都想再望吓個外籍美女,可惜,見唔到...

聽日開學喇!!!