今日返到去啊~個粉樣唔知道要交maths~仲話:唔係11號先交咩?緊係唔係啦~粉樣~你無做啊?原本要恭喜你囉~但估唔到原來你cheap成咁~唔好話人知你係女仔~影衰晒我地女仔tim啊~自己交唔到就唔點功課紙~方死你唔係唔交落去咩~點知你一改作風~竟然唔係第一個小息交落去~lunch都未交~俾著係平時~你第一個小息就交左啦~有人同你講~不如叫阿sir另外果份遲d交啊~你就即時話:唔得~會俾佢鬧死~咪扮晒野咁啦~你自己做左所以先咁講jar嘛~鬼唔知你同佢有野咩~平時如果你係未做ge話~睇下你會唔會同佢講~死cheap精~咪話你識我~

講返d好笑野啦~今日上hist堂~奀慈釣魚~拎住枝粉紅色ge螢光筆~訓醒左望向我~我發現佢枝螢光筆畫花左自己塊面~哈哈~好可愛啊~傻傻下咁~keke~

下午果時好驚嚇啊~爹爹話霍霍話佢變態~我就問爹爹點解啦~爹爹話因為佢睇h果d動畫~oh my god~爹爹竟然會睇d咁ge野~好失望啊~真係估唔到連佢都會睇d咁ge野~

派返中史問答簿~慘慘~呢幾次都做得好差~改正同新果篇都係得6/15~點算好~要加把勁~唔可以跌返落去ga~我唔想跌返落去~之前唔洗改正~但係而家要改~我唔制啊~點可以咁ga>.<

今日無咩野做~其實係有ga~要溫書ga~聽日3個quiz~但係又係唔想溫~諗住上下一個好耐無上ge網度睇~可能太耐無上啦~個網上唔到啦wor~無咩心機tim~結果就上網dl下d歌~收穫都唔錯~哈哈~心情好d啦~夜晚ge時候先拎返琴日印ge果d中文工作紙出黎睇~諗住分返開佢~一式兩份~估唔到會係有成一百三十頁咁多~睇睇下df4 size覺得有d唔妥~中間點解會隔開左~?原來係錯體~上半部同下半部係一樣ga=.=oh no~點解會咁ga~好過份啊~印完果時又無諗過check下佢wor~唉~如今唯有明天再印過啦~話左俾小b知~哈哈~之後都沖涼訓啦~雖然無咩野做過~但係都幾累ga~人老啦~無計啦~係咁ga啦~須要長d ge睡眠時間~早上都唔多想起身~keke~呢排都凍左~大家都小心d身體啦~

今日又係每個星期都要返ge補課~真係唔想返ga~今日仲要勁凍~市區8度新界低1-2度~我就係新界~唉~係屋企都唔覺咁凍~一出去...個鼻超凍~係咁流鼻水~>"<

eng做paper2~係d咁凍ge日子~做做下都好想訓...差d訓著左~通常做ex我d水準都會連降幾級~都唔知點解~今個星期下半段係quiz maths~唔識囉~呢3課都唔知係咩~完全唔識~呵呵~算啦一向maths都屎屎地~其實係好屎先岩~wakakkak~放啦放啦~12:30

食野~菠蘿雞焗意~都ok ga~食完野就順便印中文d工作紙~一式兩份~印左出黎成本書咁厚~不過都只係三大幾蚊je~

今日第一堂就係hist啦~仲未交essay~哈哈~點知佢...派卷~oh no~我都估到低分ga啦~只係估唔到~唔係最低果個~雖然都唔好得去邊ga啦~不過~折哀囉~

嘩~勁驚嚇~我同sa冰lunch果時行先啦~行行下發現馬幾唔見左人啊~過左馬路都行返轉頭搵佢~點知~唔見佢wor~我同sa冰都唔知點算啦~去老地方食野~希望佢一陣識黎啦~好好彩~我地嗌完野食ge時候~馬幾出現啦~呵呵~佢以為我地係toilet~係門口等我地=.=

聽日放假啊~~哈哈~

今日原本要默書ga中文~但miss好似唔記得左咁囉~唔係好似~係宜頭唔記得左~咁我地緊係開心啦~唔洗默書wor~哈哈~咁緊開心ga~唔開心都話開心啦~

下午係吉堂~上中史囉~照常lunch之後拎點名簿~又係差一本~又要問佢拎~其實今年都幾鍾意中史~成績都算ok咁啦~通常呢堂中史都係睇下片咁~都唔會點教書~因為我地班有一個人去左上geog~果個咪係爹爹囉~其他人有得drop都drop左~有電視有帶~諗住睇啦~點知無聲~唉~之後阿sir佢地都搞左好耐下~都無咩起息~阿sir就話做自己野啦~跟住佢就消失左~我地班仲唔作反咩~嘈到隔離個miss走黎鬧~個miss係度問"點解咁嘈ga?","老師係邊啊?"~係咁問~都無人應佢~哈哈~gd啊~馬幾lover就答左佢啦~之後阿sir返左黎~話activity rm睇到~就叫晒我地落去~點知~落到去都係睇唔到~無計啦~又上返去~哈哈~

放完晒假啦~返學ge第一日~返到去第一樣野緊係做功課~爹爹巧衰~話我知maths做2課~原來要做3課~又要拿拿聲做返佢~最衰ge咪係又要落去排隊囉~勁唔願意囉~但都係要落~

第3,4堂上宗教~明明仲有3min先打鐘~點知...行到一半就開始打鐘~差dd就會遲ga啦~好在個鐘聲都算長~so無咩事~wakakaka~上堂ge時候玩讀白~講返"生命搓fit人"果d角色~我地組講阿峰~哈哈~sa沙講得好搞笑~我講左一句野~俾阿sir bank>"<就落堂ge時候~阿sir話聽日到我地form去hall到聖詠早會~

第5,6堂係英文堂~原來今日係writing quiz~我都係度諗係咪今日ga啦~結果真係囉~無咩點溫~佢話俾時間我地溫陣~咁咪溫陣囉~哈哈~開始作~有1hrs10min~我諗我用左20min度jar~之後就訓左~嘩~訓左堂幾~手都痺埋~初時左手痺~咁咪轉手囉~點知搞到2隻手都痺左~>o<

今日係假期最後一日啦~聽日返學啦~唉~真係過得快~仲有係我未做晒功課~做功課先~今日都無得去玩ga啦~岩岩清返之前d日記~打返晒上去咁啦~其實有好多野都無打到上~唔多方便^o^

做做下~突然記起要做tt past paper~拿拿臨做左先~就咁就做左我3-4個鐘啦>o<太可惡啦...之後再做剪報同英文~做完都成12點半~仲有幾樣未做啊~點算好呢.....

原本諗住同細佬傾下電~點知佢話差緊電~咁無計啦~

唉~真係慘~又係補maths~補maths d時間過得勁慢囉~都唔知點解ge~英文d時間超快~break果d爹爹又走左去隔離班度玩~阿sir話開始上堂~佢仲未返黎~笑死我~佢係最後一個返入黎ga~~wakakaka~笨豬~

無事發生~係屋企玩電腦~

今日補課~補英文啊~d時間過得勁快~做一個listening就2個鐘~佢慢慢聽~聽幾次~哈哈~9-11就係聽啦~幾過隱啊~時間就咁就完lu~最衰之後仲要maths re-quiz~成粒鐘~勁辛苦~12點20分走得人啦~今日sa冰無返~我就出市中心~同馬幾同路~小平又話唱k=.=點知又唔知醒~咁我咪去左整眼鏡先囉~嗌佢幫我教返緊d~唔洗成日跌~嘻嘻~小平話neway好多人~果時都諗住唔唱ga啦~點知我買完野~咁都會俾佢撞到~咁咪去green box睇下囉~等一陣就有啦wor~點知點d歌~小平咁多唔識唱...得我一個唱~我最怕獨唱~我把聲無人伴住總係好似好怪咁~5點度返屋企lu~因為要補alan~搭搭下車阿媽打黎問返到未~佢話今晚打邊爐~=o="但我d時間勁趕囉~算啦~食兩舊就走人~補完啦>o<約左小b~佢叫我俾d中文工作紙佢~睇左佢話要晒~要拎去印tim@@"食野食野~我食面面佢食飯飯~佢食d透明ge涼粉@@之後佢話幫個fd買野~所以過左千色~買左~我問佢會唔會唔岩~一睇~真係唔岩~哈哈~我咪話佢唔要我要~於是送左俾我~禮物~yeah~happy~