今日9:30起身 ,

打扮好曬就返學校喇

返去既時候葉仔都未返呀

跟住同阿盈落去買野飲 ,

我地仲係度傾左好奈......

點知突然聽到hall傳出一d  Jazz歌 ,

原來佢地已經上左hall練喇

我地就即刻跑上去

練左好奈

就食飯lu

同佢地玩得好開心

好開心

跟住化妝

Peggy幫我化妝...化得好好睇呀

唔該曬你

終於我地要表演喇

好緊張

我祖母同叔叔同媽咪同細佬都有黎睇

佢地仲同我影左好多相添...

實在太happy完左喇

我地同葉仔影左好多好多相

佢好似個明星咁係咁被人影

好好玩

如果想睇睇d ,

可以去我個相簿度睇

之後返屋企 ,

祖母送左部新電話俾我呀

係Sony Ericsson最新型號

W610i

哈哈哈

今日真係個好日^^

今日好開心

頭兩堂係德育...冇帶本野...

於是去問橙橙借..唔該曬

跟住上PE ,

籃球走籃...好唔掂呀..

有冇人可以幫下我呀??

跟住上中文同數學 ,

好想訓呀   ZZZ

跟住食lunch ,

我愈食愈少野...

上i s

好鬼悶...

放學lu...我去共創成長路既閉幕禮 ,

個video好好笑呀

好多人上鏡...包括我 ,

跟住盼獎 ,

我係傑出領袖呀

yeah!!

^^

超開心開心開心開心 ,

之後同橙橙一齊走 ,

我話唔走就冇得走喇

原因係天空滿佈烏雲 , 好快就要落雨lu..

點知我一出到去 ,

好快黑曬 ,

行左一陣就........................sa......

好大雨 ,

濕曬lu....

不過煙雨濛濛...都幾浪漫呀^^

今日music堂...maths...都無聽書...

中文堂 , 張老師又鬧人喇 ,

鬧左差唔多成堂 ,

不過佢地又真係底被人鬧既...日日都唔帶野(特別係我隔離既周生啦...)

跟住三堂都無咩聽書...

食完飯 , 以超快既速度完成既電腦功課(當然就係其他人幫我架啦...)

中史堂...細蔡教好好笑呀...對佢既引象好左dd啦 ,

放學lu...

又跳Jazz lu..

好緊張...緊張指數係十級呀!!!

我聽日要表演喇...

你地做fd既當然唔可以笑我啦

>.<

祝天下既母親 ,(特別係我阿媽)

母親節快樂 ,身體健康 , 青春常註 , 笑口常開 , 龍馬精神 , 恭喜發財......(好似過年咁既...^^)

今日我一起身發覺自己訓左係廳度 ,

搞到我好驚呀

阿媽話係琴日我睇碟既時候太眼訓 ,

訓著左lu...

於是我就係廳過左一晚 ,

起身之後 ,

我同阿媽兩個人返教會 ,

老豆因為琴晚好夜先放工 , 好眼訓..

唔返教會 ,

而阿樂就因為參加左吳sir既婚禮 ,

so就唔返教會 ,

今日我地唔係返亞斯理堂 ,

係返位於觀糖既神愛堂(即係我細個既時候住既地方附近既教會 , 我祖母亦係住係o個度附近呀)

我覺得呢間教會實在熱鬧喇 ,

我返左咁多年...

呢度仍然係無變到呀 ,

人情味依然係好濃架!!

崇拜完左 ,

我同阿媽約祖母去茶樓飲茶 ,

因為帶位既姨姨係教會識我媽咪 ,

所以我地就有特權早d有位喇...哈哈

食完野就上祖母屋企lu~~

我最細既叔叔 ,

佢由細到大都未試過正式咁煮一餐飯架 ,

今日因為母親節既緣故 ,

佢決定下廚 ,

本來我一聽到呢個消息 ,

個心非常之驚訝 ,

仲叫阿媽買定必利痛等等既藥...

按定99兩個字 , 當真係發生意外既時候就按埋第三個9定喇

點知又煮得幾好食喎...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日一早就返左補習社 ,

補數學 ,

好無聊 , 聽到我想訓覺呀

補完習就搭車返教會

今日講既係"抹大拉的馬利亞"

好留心咁聽

聽完就返屋企

今日既行程就係咁多

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我唸得好清楚 ,

我已經決定左放棄呢個令我咁辛苦既人 ,

如果我再等 ,

我怕我同佢會連fd都無得做 , 甚至做同學都會好尷尬 ,

而又會搞到我好似d好cheap既女仔 ,

我實在唔想咁呀

我兒家覺得自己好輕鬆 ,成日人都輕曬呀

我覺得無仔唔洗死架...

當緣份到既時候

我擋都擋唔住啦

相反 ,

無緣份就唔好強求喇

單身貴族無咩唔好呀

可以令自己多d選擇

咁幾好呀

又或者......

我會選擇搞基呢...  哈哈哈哈

今日唔知點解早左起身 ,

勤力左呀

上science ,

好煩呀...................................係度玩水...

跟住o個三堂....都冇聽書

lunch食好少野...

我好討厭I.H

實在唔鐘意上呢堂...

跟住就science fair...

我就黎分身喇..

個個都要我頭佢票...

好驚...

終於都頭左喇

又覺得唔夠...去問老師取多一張

又再填過

放學...

打社排

我既存在唔重要

好唔開心

因為又輸

連忠社都輸埋...唉...

跟住去睇丘偉祺佢地打三人賽 ,

佢地就當然輸啦

好屎呢...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我實在好憎d人話我同周延聰一對...

因為我唔鐘意呢類型既男仔架...

我鐘意d  sporty , 乖仔d , 成績好少少既人囉...

仲有 , 要高過我 , 大過我 , 令我有安全感既......

仲有n咁多個要求........................................

總言之 ,

周延聰唔適合我 ,

我唔理佢係唔係鐘意左我 ,

我都唔會鐘意佢架......

請各位唔好再傳我同佢啦!!  thx

今日好勁

上Music同錢錢唱歌仔 ,

唱得好大聲呀.....哈哈哈

又唱得幾好聽 , 自己都好滿意呢...

Maths堂講既野......好難明呀......

Science堂要test ch.4 ,

我琴日冇帶書返黎溫...好彩都唔係好難姐...^^"

上飛娥(梁x娥)既堂真係想死 ,

佢好乞人憎囉...全班都冇邊幾個like佢呀

中史......又係錢錢最愛既細蔡上 ,

我都唔明佢鐘意細蔡d咩 ,

我至憎就係呢種成個細路 , 扮q , 矮屎得得既男人 ,

唉......

上英文堂之前 , 我以每小時一百公里既速度 ,

向十二點鐘方向既好心地女同學借左本Eng. workbook黎「參考」一下 ,

仲好努力咁kill左所有w.s.  ,

當然 ,我三點鐘方向既白癡仔都係未做 ,

於是佢又學我咁「參考」喇!!

放學lu , 換衫之後就跳Jazz...

我地成班人跳到爭d訓低喇...

好辛苦呢...隻腳唔屬於自己喇 ,

跳得實在好.......................................核突

跳完喇, 

我同雲迪去打排球 ,

真係挑戰人體既極限喇!!!!!!!!

但係又打得唔錯 ,

只係打完波...

隻腳好似唔再屬於自己咁囉...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

心.........到底如何??

我自己都唔清楚 ,

只係......向住自己既心意行就算喇 ,

唔想再刻意做一d野黎令佢注意 ,

我.........實在太攰(累)喇!!

我本來都冇打算寫blog ,

係錢錢同我講話佢係我個blog既粉絲 ,

所以好開心 , 決定再寫 ,

今日實在太熱 ,

熱得好過份 ,

個人都無曬心情 ,

我覺得今日既時間過得好慢 ,

上堂都無咩心機聽書 ,

等下等下 ,

上Music  ,

鄭生同潘生合唱

唱"強"唱到走曬音, 又甩嘴,

哈哈我個位聽得好清楚呢 ,

聽日唔知到我同錢錢考未呀 ,

錢錢話要拉我上台唱......

佢真係大膽 

放學......打社排

好彩無咩人睇 ,

因為我地文社又輸喇....唉......

2:0......

不過我識左一個同馬好似樣既哥哥仔 ,

佢係Form.4既,

佢又高又瘦又黑......

佢呢隻馬又食糯米雞又飲檸檬茶 ,

我同Kaya稱佢為......"雜食馬"

佢話佢會認住我..."18號仔"

之後我同周貓去睇社足, 

"美樂多"入左一球 ,

又幾型仔喎......^^

忠社贏左lu...

唔知點解唔支持行社 ,

我驚被周聰聰打呀....哈

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我既心......仍然係......平靜......

好開心好開心

頭先睇完《金像獎頒獎典禮》,

《父子》成為大贏家,

雖然Aaron做唔成影帝,

但係我仍然超級支持佢,

滔滔（吳景滔）佢就贏左《最佳新人》同《最佳男配角》,

我覺得佢既演技真係好好,

贏獎係實至名歸既!!^^

聽日要返學喇,

唔慣咁早起身呀

點算呀......

不過,

返學又可以見到佢喇^^

今日我真係破曬自己既記錄呀,

成兩點半先起身,

仲要係阿媽叫我先知醒.

成日係屋企都係睇電視,玩電腦,做功課,

悶死......