ya!終於考完試啦,

我今日早上差唔多7點先起身,

我昨晚溫左一陣,之後就訓著左,

諗住今日朝頭早起身溫書,

點知遲左,但係都仲岩岩夠時間溫,

跟住返學,我攞課室日誌個陣,

蔩主任夾左一d籃球練習比賽的通告,

叫我比陳國樑派,之後派完,

陳國樑又要搵人簽收據,

簽唔晒,我去搵陳國樑個陣,

佢係6c班,之後兼主任知道我今日生日,

送左d野比我,佢話有幾個人都同我同一日生日,

之後佢叫我叫埋鄭穎琪過去,因為佢都係今日生日,

之後考常識,錯左幾題,希望有a啦,

之後考音樂同電腦,音樂好q難,上堂又冇聽書,(死更)

之後索性樂理個到亂做,

之後放學,我媽咪同我去左新榕記食野,

食完就去左買條校服褲,

買完又去左街市買蝦同蜆,

跟住就去左百街,買左勁多野,

跟住又去左鞋鋪買鞋(白飯魚),

之後就返屋企,佢地傾左一陣計就走lu,

佢地一走我就打比顏招,我話去左佢屋企,佢又話唔得,

之後我想踢波啦,換晒衫,顏招又打尼,

佢又問我去佢屋企做咩,我話玩電腦,

之後佢先比我去,我話佢都玩野既,

去到又要幫佢up lv,之後玩到5點2,

我打左一場winning,之後就去補習,

補完就返屋企食飯,食完就等老豆返尼先食蛋糕,

食完就用電腦,玩左一陣就打blog,係咁多。