#
5號 晴
宜 嫁娶 動土
忌 安門 作灶
一起身已經11點 打陣機補陣習都3點
打比細傑咁岩佢又補緊習 咁我就睇陣卡通先啦
3點8,9度佢打黎話sogo等
之後勁攪笑佢唔記得落車搭左去灣仔又叮番過黎
之後等齊人就上red box (尚欠啊全)
上到去先發覺唔見啊全 就後就叫佢入黎接佢入room
金次間room真係唔野小 連酒吧台都有 大幾廿人開p都得
不過我都係唔鍾意去red box 無得玩隨機
攪到頭個一個鍾小晞同江圓文唱 之後先到我地
咁樣一d都唔爽
女有女唱 痳甩佬有痳甩佬玩''色鍾''
一到男人唱 小晞佢地就好無引
唱下哥哥啊~~日日是好日啊~張學友啊~~小小強~~~
啊全有d料子wo 深愛著你,貼身個d都識唱
唱到無野好唱仲玩埋龍珠z 主題曲 嘿嘿 仲要日文tim
cha la hard cha la!!!!!!
埋單之後係出面等江圓文唔知攪咩 ~~攪左陣個經理開埋間room
比我地入去等 嘿嘿 仲有得唱tim 不過金次無我份啦
唱左4,5個字就走得
之後佢地話食沙嗲王 嘿嘿 就等我帶路啦. . . . . . . ..
.
.
.
.
. . 唔記得左係邊tim 上次黎都好似仲讀緊小學
攪攪下搵到啦 嘿嘿 成副身家得5十雞 唱k仲係問細傑借錢
最衰我唔係女啦 唔係叫2野爸爸就攪掂啦 嘿嘿嘿
一坐低 見到價錢 好想即克講 埋單!!!!
肥熙介紹左我同龜食個34蚊ge飯 窮人萬歲!!!!
小晞佢地4個就叫左幾樣野一齊食<---'' 名單唔包括我 因為我得5十雞死都唔夾錢嫁 嘿嘿''
之後小晞同江圓文對住細傑 又爸爸又老細咁叫佢請
''為左錢就叫人做老細 咁樣你地同雞有咩分別''
激死佢地啊 嘿嘿嘿
埋完單拍拍羅友就走人 同佢地去左圍圓
一坐低就係度吹水 同肥熙傾下男人ge痳甩野
傾傾下就去左大便 班死仔見我屙屎就濕d巾轟炸我廁格
嘿嘿嘿
屙完屎就齊齊搭8x
龜送小晞返屋企 我地4個就送江圓文返屋企
之後我同細傑就行返小西 肥俊都黎左小西
but佢high大左,so我地唔理佢 各自歸家
千億個晚上 卻沒有半個綺夢
