還以為上一次畢業典禮已經是今學年最後一次的中樂團表演
結果上星期五收到消息singcon 隊伍的表演時間太少，要搵雜耍sip 時間開始，就忙到今日
唔理最後我搵music club好定music club 搵我都好，有得出呢個show 我毫不後悔，就算攰到死辛苦到喊都覺得值得:) 好多謝music club 比左呢個機會我地，同時好對不起我們中樂團要表演的事害你們要比soon 鬧...
其實仲有一樣野好想好想講，雖然唔係好關我事，但係唔該甲寅既同學唔好成日放棄比賽，搞到d 時間亂哂，其實遲放大家都有責任!
雖然表演前有不少的倒采聲，我也不介意，我們中樂團的確係甲寅師生眼中是一個九唔搭八既表演
今次咁搏出位爭表演都係想比甲寅所有人知道其實學校仲有中樂團，今次係全校性既表演，所以就算我地只有一日時間練習，是只有3小時的練習，仲要係唔齊人既練習，我最後都決定要出表演
好多謝一班好幹事好團員，仲有唔少得既舊生同外援，臨時臨急叫你地出表演你地都冇拒絕我
多謝你地肯陪我傻，練到咁攰你地最後都冇逃走，我自問我唔係一個好團長，我迫你地練習都係唔想日後中樂團會消失.... 學期頭見到你地實力懸殊其實真係好擔心，怕有一日中樂團會係我這一屆倒閉，我本身已經係一個打破哂傳統既團長-.- 真係唔想交到我手就做唔住....但直至昨日早上，見到你地幫我口說soon，說很想很想有表演的機會，我一方面好嬲soon，另一方面見到你地fd 左團結左，我感動到想喊>< 雖然比起足球隊既團結我地仍然係一盤散沙，但係我相信未來一定可以更加團結! 因為我們都是愛音樂的人!
既然今年搞singcon 表演咁多阻滯，先係各位幹事的爭論，再是跟soon的，仲未練習先rehearsal。下年中樂團有機會既話可以名正言順參加singcon比賽! 輸贏我不介意，最緊要比人知道音樂除左有pop music、band、西方音樂，不可缺少的還有中樂! 不要想認為中樂只可以彈傳統苦悶既樂曲，下年夾到既又參加左比賽就pop比你地睇! (不過下年唔到我話事喇喎...-__-) 真係話咁快就要做老團長，以後用呢個身份上中樂團....
唔知係我自high 定事實，甲寅今年既音樂show 真係好過以前，先係有同是天涯同樂寅，唔同form 都有人參加，唔理表演質素，同學都比以前投入，無論觀眾定表演者都好，希望唔係我自high 啦:p
經過今次既中樂團表演之後，我好希望soon日後唔好搞冧中樂團，佢自己搞衰合唱團同手鈴隊就算
成個學年都唔理中樂團，冇幫過手都算唔該唔好係緊要關頭插手，真係好唔gur! 重點係唔可以趕走我d 團員，明明比左music club 搵人，搵到又要鬧我地鬧佢地，因為自己覺得唔岩feel 同自己覺得stage 空間細我地中樂團好牙位就決定取消我地表演，未商量先趕走我d 人，又話自己好為難，結果答應比我地出我又要call 返d 人! 如果唔係為左音樂我都唔會係佢管轄範圍捱咁耐:(
依家再嬲佢都冇用，如果以後中樂團唔好比佢話到事就好lu-v-
仲有好多人要多謝:)
多謝lee ka wai 同樹獺，其實個日做決定我真係好驚....好驚爭論到fd 都冇得做既地步，所以星期一你地同我傾計我真係開心到飛左上天! 其實我做決定既時候真係好掙扎，我好想出表演但又覺得你地講得好有道理，話哂你地經驗比我豐富，留係中樂團既日子比我長，我好想接納你地意見不過最後我野心太大，結果選揀左搏xd 樹獺你下年要加油啊! 我對你好有信心，你一定比我可以做得更好! lee ka wai 今次冇左你既中阮我真係好驚orz 彈撥弦個area 真係好空虛....下年真係冇人彈中阮得一個人彈琵琶真係唔知點算....
多謝candy cheung，你幫左我好多忙，聯絡、流程、安排人手，冇左你呢位能幹的幹事我甚麼也不是，你比我更緊張，着緊到咩事都好關心... 我好感動，不過你要留力啊! 你仲要係甲寅搏殺4年啊! 見到你咁辛苦，我先叫你休息下~xd 唔想你壓力大到唔開心:D
多謝一班超好的團員同老團員! 要開名表揚!
敲擊既聞順兄、wing ng、michelle li、tsz yan lai、rabbitmiko tse
笛子既lee hui yan、鄒翠玲、ming yee yim
古箏既張慧中、kenii tsin
二胡既鄭清韻、侯秀文、anna cheung
揚琴candy cheung
仲有多謝黎唔到表演既philem wong 、ching man chen、mildred tso、lawrence kong、veruca chan、sammi kan，多謝mildred tso同lawrence kong教我做團長，我呢個不合格做咩都好徬徨，好彩有你地既支持同幫手:) philem wong 好可惜你今次黎唔到:( 你既表演我地有專心睇，好正啊! 30週年一定要返黎啊，我地平時練習既歌可能真係太簡單好悶，不過希望你可以間唔中返黎:)
多謝甲寅stage crew! 我咁麻煩你地都肯幫我搬搬抬抬，你地真係好勁好好人!! 係你地面前我呢個團長真係好唔不合格....管唔好、決定慢、講野一舊舊
多謝cheryl 係我最亂既時候，亦都係趕曲最忙既時候都陪我傾msn ，鼓勵我! btw 你首歌真係好聽，你作曲真係好勁!! 暑假可唔可以搵日教下我?:p
仲有智軒sir 既鼓勵! 明明你比左咁多時間，我都作得咁hea，你冇鬧我反而佢打句"no problem! cheer up!" 我真係非常感動，好耐好耐冇聽過d 鼓勵字句>< 雖然唔關中樂團事，但個刻心情立即唔燥:D
對不起5B 我黎唔到singcon 練習，其實你地今日既表演真係好精彩! 你地好勁好認真，輸贏我相信其他班同學唔會記得，但一定會記得曾經有一個好精彩既singcon 表演!
真係好耐冇打咁大段野....長氣到我orz
希望以後多d 人欣賞音樂! 有人可能會覺得好傻，玩音樂咁辛苦用咁多時間，得出黎只會幾分鐘既表演，仲要表演完左唔會多左忽肉，但我認為只要係玩過音樂既都知，音樂帶比我地既野 係其他地方享受唔到! 既然我地有一雙聽到聲音既耳仔，就應該好好享受聽音樂、玩音樂、寫音樂! 因為我相信應該冇一個擁有一雙健全耳仔既人會冇自己喜歡既音樂，我很有動力繼續玩音樂!!
攰到癲，原來每一日真係得24個鐘，想多少少都冇
我希望以後唔會再瞓唔着覺，因為真係好哂時間，失去既時間真係永遠都補唔返
ps 可唔可以早d 交棒，暑假練習可唔可以早d 由樹獺掌管xd |
