很久沒打網誌了,

因為今天有點說話想說,

=================用回香港tone================

今日早左成個中返學校,因為林村爆水管怕塞車所以早左出

返到學校9點30就坐左係到,

見到d F.1返黎上英文堂,仲著住小學校服,覺得好得意,

坐下坐下見到個F.2同佢老豆註完冊拎完書佢地坐左係我前面張枱

本來個仔放低左D書比老豆就同佢D朋友走左,跟住佢老豆叫佢,

佢好唔願意咁行返過去,跟住佢地講咩我唔清楚,

個老豆大約已經6-70歲,同應該做D好辛苦既工,見佢既膚色好黑,個仔就好多人都識佢,

大約睇佢應該係個老豆叫個仔比D書佢放係佢自己個背囊

成兩大袋書,有一袋小D書,咁個同學就睇住老豆放哂D書入去,

我就望住個同學,佢個眼神由平時好剛強變得好溫柔,

跟住佢攞返1袋大D既書拎住同佢老豆一齊走..

就係咁,我就諗左好多野,

=======================================================

人就係咁,明明唔係唔中意佢,但係偏偏就好易對你身邊既人發嬲,

但係明明就唔想咁,回望過去你又有幾多次無啦啦嬲左個人?

唔好話朋友,有幾多次同呀爸呀媽嘈交?

我成日都幻想,如果聽日呀爸呀媽突然走左,

咁我會點,可能會自暴自棄,可能會更加努力去讀書,最大可能會崩潰

最近係FB見到個群組叫咩"老豆老母=大哂"?

我第一時間講係呀,佢地真係大哂,

冇左佢地你會生存到?冇左佢地你會有錢去買e樣買果樣?

係,我知"現在"有好多人都好討厭自己既父母,

但你諗番,當你做錯既,嘈完交,有邊次係你主動同番佢地講番野氹釉佢地?

佢地成日話唔理你,唔再管你又有邊次真係唔理你嫁?

所以請珍惜和父母一起的日子,他們都有離開的一日,

當他們離開了..現在的日子就變成一頁又一頁最珍貴最寶貴的回憶