上到課室就係美術堂 俾個miss叫左做組長(無奈...>.<..)成日都要行出行入 小息個時要收文件夾呀 好多人都唔交-.- 上完地理堂就係數學 佢俾d功課我都未做好  但都係照樣交 少做一題唔會罵到死既 跟住又小息 唉~總之都係係個課室褢面 出都冇出過黎 英文堂要默書呀 個啊婆講得好快 諗住寫個時就講下個 左講多次都係寫到一個 默完就罵我地都唔聽書所以就唔識 咩錯都罵曬我地 明明係佢自己講得快 點解要罵係我地問題?? 不過算啦~都講明係啊婆 神經都有一定既問題 之後佢未講今次唔記 下次先記喎 信得過先算啦 佢超善變 明明話唔會罵 但之後就落堂個時咪又係罵我地 講過都唔算數既人 佢d野點信得落 中午個時去左食麵 見人都飲奶茶 咁又跟住飲下咁 點知見到方兜同啊榮(佢個名唔識打 所以打佢簡名 同佢唔熟)係食物部既水吧企係到 初初唔知佢地做咩 但我一叫完一杯奶茶之後 就知佢\地企係到做咩 完黎佢\地係係水吧到幫手做野 個時係到諗緊 佢\地整個d飲品 都唔知飲唔飲得(-.-\"..) 跟住見到陳文浩真係飲 我問佢你真係飲呀?! 我唔係好夠膽飲 之後佢搶左我杯飲品就話你唔飲咁俾我飲 見到有人搶自己野一定會搶返 我當然有咁做啦~(點解我覺得好似係到講緊故仔咁既?) 咁搶完就開始食野 飲左杯奶茶 方兜整個杯好苦....啊朱佢個杯係啊榮整 佢個杯上邊都ok幾 但一飲到最低就超甜(我都好過啊朱個杯..)食完野 陳文浩又走返黎問我借錢(通常借俾佢\錢都要好耐先肯還>.<)借完錢佢又走返去買奶茶飲(-.-好飲咩?唔覺喎~苦到死) 放學同啊喬 pk pk個fd同旋姐行左陣街 行行下pk同佢個fd走人 我未同啊喬佢地行多陣 但唔知點解行行下我個肩頭好痛 見到咁未返屋企 返到黎一放低個袋 全身都痺曬 又累喔~