今日一上課就有功課要做呀~好慘.....之後上數學堂又俾功課我地做 好變態呀!! 再之後就係上科學堂 個miss好嚴 一入到黎就要我地全部行禮(注意喔!係全部) 行禮完就"搽"我地d書 上一手個時有冇寫到答案 我係暑假完全懶得擦d答案 就係咁樣俾人叫名起身 跟住係體育堂 哈哈~我諗上得最開心就係依堂 我地成班同e班個d女仔一齊玩(係玩體育d野)個miss都一齊同我地玩 玩得超開心>3< 放左學要去紅記 去到4點幾隊長先俾我地走 都講左d宣誓野 要俾60既蚊呀!!不過都算啦 下年都唔玩啦 呀~好眼訓啊 打住咁多先啦 聽日打多d咁 早d打咁啦 今日都打晏左呀

今日應左啊媽同佢\一齊出去買手機 諗住得我 啊媽同啊爸出去 點知到我兩個家姐都一齊出 咁就變成全家出動-.- 首先我地去左新都城到食飯(人肚餓就要食飯啦 好正常)食完就係個到順便開個家庭會議咁 要到人地出聲問我地食完未先走人 之後未死左去睇機啦 無啦啦睇睇下機 我d啊媽啊爸同兩個家姐唔知走左去邊 咁我未勁搵人 搵到去一間唔記得叫咩名既商店 我見到我d屋企人全部係齊褢面 係到試緊按摩機=.= 個時超無奈咁睇住佢\地 之後就發脾氣話唔理你地就走人自己去睇手機 睇左一陣就走返去 返到去見到佢\地係咁走黎走去 佢\地係到搵緊我 咁未叫佢\地囉 之後就真係去左睇機再買左機添

不過個時唔知點解會發脾氣喔~個時自己都有d驚驚地咁

今晚我又上板睇故仔 不過佢\地冇新post上去...好吊人胃口呀 好想快d睇呀 唉 我有d唔鍾意愛情依樣野 總之會令人煩 講係愛情 我表姐問我點解係msn到個名改成->說過不再戀愛..天戀  哈~因為我同個fd講過 我係唔會再拍拖 拍拖好苦 冇論你係先甜定先苦 結果都係要分手啦 咁中間個段時間 之不過係個手續過程 過去耐左既就會慢慢忘記 忘記當初分手時既苦 忘記當初一齊既甜蜜 既然係注定分開 注定忘記 不如唔好開始.....

琴日啊喬打電話俾我 佢話約我同班fd出去唱k 順便講講佢話唔記得個日講過d咩黎傷我喎 我o左嘴啦 不過都算啦都過去左 咁我應左佢地出去 問左我老媽子借左一塊水 點知出到去觀塘個apm 佢地話太貴唔唱 而且啊喬個哥開唔到會員卡就走左去打機 不過個接待員都好鬼衰下 明明唔使俾錢做會員但佢就講要一塊水先做到會員 咁就搞到佢啊哥走人加唔得唱k 之後走左去旺角到照相 照左一兩部相機就走人 因為我地係照相個時好大力咁拍部機咁未俾人罵啦(汗-.-"....) 跟住又走左去九龍x(唔記得左叫咩 總之係洶大廣場)照相 都照得唔少錢(有d心痛呀~><個到個d錢係我成個月既零用錢呀)不過都好開心啦 我都幾鍾意照相 之後就返屋企 返到屋企個時 見到我大家姐同佢條仔係屋企驚得我呀 佢平時放假都唔見鐘影啦 何況佢唔使返工 不過都懶得理佢地 走左去訓教(哈哈...太累啦)

嘩~~頭先睇左一d文章..(未寫結果呀~~好想快d睇呀)超好睇呀 個女主角超慘 被人傷左咁多次都好愛條仔 條仔成日做d傷佢既野 好慘喔

今日唔係啊媽叫我起身 我諗我會遲到呀 今日係班到冇啦啦俾條仔針對 開頭都冇咩野既 但後尾我經過佢個時就會起身打我(姐係做動作打我咁)好無奈喎 我又唔識佢佢又唔識我做咩要針對我 小息個時 我同兩個fd(啊喬同啊朱)去小食部到買野食啦 順手講講小食部d野食好難食又唔衛生 我同佢地係咁講啊喬個契哥d野 點知啊喬一句話我發姣成日睇靚仔 搞到我超火超唔開心 佢識我咁耐都知我係唔係發緊姣啦 如果係既 佢同我都唔會玩左咁耐呀 放左學就同老婆仔一齊去紅記練宣誓 老婆佢見我唔開心問我做咩事 我同左佢講個條仔同啊喬d野 佢話條仔就唔使理佢 但啊喬就話有冇搞錯 之後到開心返

紅記宣誓好辛苦呀~我諗住中三就走人 因為我係今年個開學禮聽到miss講話中三同中四係好重要既一段時間 而紅記會用好多時間去操 咁我未諗住玩到中三就閃人   今日食lunch個陣老婆仔咩都唔食 佢成日胃痛頭痛又腰痛都唔知幾時先好返....