又到星期日 la...

不過今日我同我妹妹都冇返大埔堂...而係返左救主堂...

因為今日係暑期托管既結業禮同埋係救主堂既佈道崇拜...

D 小朋友都有表演同埋 take 暑期托管結業證書...so 我都要返

我就係返去返工....而我個妹就係去做義工...幫手影 video 同 photo

9:45 返到去...我地同工都冇停過...好快好快咁安排 D 小朋友表演既野...

雖然那時真係好多野做...好似好亂咁...不過睇返其實今日真係唔錯...

無論係安排上...同埋 D 小朋友既演出都好順利 <- 係我心中他們做得十分好！

之後到佢地 take 暑期托管結業證書既時候...我真係好開心...因為見到佢地既歡笑

今日係 Donald 哥哥係 e 個暑假最後 1 次見佢地啦...真係有點唔捨得...

諗返 e 個暑假既一點一滴....同佢地一齊既時候...真係覺得好好笑...好回味

崇拜完左...小朋友同佢地既家長都食茶點同埋睇返佢地 e 個暑假既相...

完曬 D 野之後我地成班同工...同埋 D 義工就去左食 pizza <- 慶功...大家都辛苦啦

食完我地仲去左冒險樂園玩...成班大細路咁...又幾開心既！

已經 5 點啦...都開始累 la...咁我就同妹妹係人帶既情況下去搭電車...再轉車返大埔...

ps  今日又有相...又有 video...都把這些時刻記下來了...等我過 2 日得閒先放上相簿 la...

朝早起身見到天氣不錯..

今日比平時仲要早出門口...因為今日我地同 D 小朋友 and 佢地既家長一齊去旅行

返到去突然牧師問我既中文名係咩 <- 我諗左好耐都唔知點解

之後牧師係出發前既講話時間...介紹同感謝我地 <- 我知點解問我中文名 la

出發...先係車上唱歌、玩左陣遊戲...去到之後先玩左 D 集體遊戲...

之後就食自助餐...食完就開始我地既自選活動啦！咁當然係去玩 la...

我地幾個同工就一齊周圍行周圍玩...都接近行曬成個大棠荔枝園 <- 周圍既景好令好

雖然有小小雨...不過都影響唔到我地既活動....因為 D 雨真係一 D 都唔大...

直到我地影完團體相之後...我地全部人上曬車之後...天就下起大雨 la <- 感謝主

係車上我地就抽獎...一抽就抽到返西環 la...之後我地同工就返返救主堂...

大家都仲話早走...不過最後又要打電話、預備聽日既野、開會...最後成 7 點幾先走...

走之前知道救主堂 D 音響壞左 ~ 大件事...聽日佈道崇拜 wo...

不過感謝主！最後我地都冇咩點做過 D 咩... D 音響就回復正常了 <- 感恩！

ps  今日既天氣是神為我們安排的！感謝主！又唔曬、又冇咩雨 ^^

話咁快就到暑期托管既最後 1 日...

今日返到去既時間見到 D 小朋友...佢地又 find 我地影相...而我地又 find 佢地影相

早會既時候...我地好興奮咁同 D 小朋友一次過唱曬 e 個暑期托管唱過既歌...

咁當然就仲有佢地最中2既 " 始終有你 " <- e 個早會就好似係歌曲串燒什錦時間咁...

之後同佢地上既堂...我都比佢地玩多 D...因為我想佢地開開心心咁過埋今日

我真係好想同佢地玩多 D...不過今日我地真係好多好多好多野要...做極都做唔完咁 ~

雖然係咁...不過我都有去同佢地影相、玩、打乒乓球 <- 最緊要大家留個開心回憶！

係整日大家都忙個不停既情況下...到左 7:30pm 基本上完成了 95% 既工作...可以收工

收工之後...我地一齊去左食 Dinner (米線)...記憶中都係以前一起食圴米線好食 D ~

食完之後...我地幾個同工去左玩具反斗城買聽日去旅行玩既野...之後就各自回家...聽日見

ps  聽日、後日都可以見到 D 小朋友...因為聽日有親子旅行、後日就係暑期托管既結業禮

pps  剛剛放左琴日同 D 小朋友去孫中山紀念館既相上相簿

                  http://photo.qooza.hk/donald1225