上個星期我 , 34 同 沖去咗一個camp , 一入到去就要聽講員講野，而且早午晚都要聽一次，所以我總共有大約７個鐘既睡眠時間（聰明人應該知道我係到講咩野）

聽完第一次之後終於可以去營舍放低啲野，跟住六點就去食飯（早到阿媽都唔認得，平時我都係９點先食，不過啲菜都幾好味）食完野之後又要聽講員講野，佢講咗一個鐘，所以我又有一個鐘既睡眠時間＝　＝’’　個講員講咗一個鐘啦，諗住可以返營舍玩，點知老師比咗張野我地，要我地做哂佢（無奈中．．．＝　＝）

到咗第二日終於都有返啲自由時間啦，我同阿沖就去咗打桌球，我知道咗原來我打桌球好有〔天份〕，因為我打咗３８次白波入袋＝　＝’’’到咗夜晚，個舍監話邊個背得最多金句佢就請食野，我就使用我既本能，好快就背咗１３句，所以個舍監就請咗我食野．點知係茶點時間既時候，有人因為係營舍到食杯麪而比老師鬧（大家應該知道係邊個．．．）

係７月９號既時候派咗成績表，果然不出我所料，我個ｍａｔｈｓ級名次係頭２０之內，係第１３名（我打咗呢句應該有好多女仔話我串緊佢地＝　＝’’’）不過我諗唔到我個家政係第２２名，真係奇蹟啊！（我又會比人串＝　＝’’’）跟住終於都放暑假啦！可以不停打籃球．．．．．