今日係星期五,
返學個陣原本想等埋譚卓文,
但係李文偉話唔等,
所以冇等到,
歷史堂個陣有宣佈話睇傳聖火,
睇左成堂,睇個陣超搞笑,
miss打開個口睇電視,
跟著後面個2位係到唱歌,
曾蔭權個動作好搞笑,
李麗珊傳聖火個陣好似做香港小姐咁周圍揮手,
睇睇下鍾sir入左離,
話要游水,我!@#$%
幾"鬼"掃興...
去到泳池,因為我冇帶衫所以被人罰企,
個陳子騏係踢池邊到踢水,
搞到我地濕"鬼"哂,
跟著返到學校,
lunch個陣,
謝永軒用既私家"遲更"
佢唔小心掟左落垃圾桶,
佢跟著汁返上離,
我同譚卓文簡直笑到肚痛,
咁大個仔第一次見人為左個"遲更"汁垃圾
食完飯上返班房,
估唔到部電視仲播傳聖火既片段,
睇睇下見到梁耀進偷譚卓文件衫,
偷偷下譚卓文用筆袋掟佢,
梁耀進還擊,掟到薛利璇個頭,
跟著佢喊,然後梁耀進又整到陳悅翹,
跟著陳悅翹展開一輪狂風掃落葉既攻勢,
結果張梁耀進被陳悅翹K.O.
因為梁耀進整到薛利璇喊,
所以班女仔圍攻佢...
梁耀進俾人鬧到狗血淋頭(抵死)
到左科學堂,
呀sir帶人出去睇聖火因以我地冇上堂,
變左happy hour既時間,
落堂個陣,miss俾低過3.5分,
跟著我用我精彩既演技,
將低過3.5分轉成高過3.5分。

今日我地中文既見習老師最後一堂教我地,
所以我地整左張唔知乜乜卡送俾佢,
希望佢會記得我地啦,
最後,我仲爆俾個miss聽番茄鐘意邊個XD
當係送俾miss既禮物=]