今日考數學...冇乜特別,
不過最尾個2條唔識做,
講番朝頭早先,今日同湯聰一齊返學
到左炮台山個站之後,
我地行樓梯上去出閘,
嘩,真係攰到得返半條命,
講返學校先...今日英文堂,
個miss唔記得離上堂(初初以為佢冇返)
我地傾左差唔多成堂...
跟著我地組有個同學去搵miss
個miss話聽唔多鐘聲...(我諗係藉口)
上堂個陣...唔知點解佢今日成日叫我答問題
仲叫我地出離讀首詩,唔知點解出到去忍唔住笑,
跟著miss話聽日叫我地再讀過
到左中文堂,悶到爆
雖然個miss都ok,但係唔知點解好悶,
不過個miss都算好,俾我地係最尾傾計...
今日lunch冇返食,
唯有問班fd俾小小食物我充飢,
上完電腦堂就上科學堂,
呀sir搞啲gag有時都幾好笑...
如果呀sir唔講笑既話,我諗同中文堂冇乜分別
到左放學,姐係打波既時間,
夏天打波真係好辛苦,
對著個太陽打波,攰上加攰,
日日都好似得返半條命咁返屋企,
打完之後我地去7仔食野,
食食下野個陣,見到有野kiss,
覺得好新鮮,因為我通常都係電視到睇人kiss,
譚卓文仲話個男仲對女點點點wo
(廢時污染我個blog,所以唔打出離)
但係我見唔到,可能角度問題。