今日,12點鐘係唔夠訓既情況下起左身,食左隻"痴飯"冇飲野就出左去;

係因為某企鵝約左我1點正粉火等嘛,食野果陣仲同呀妹睇緊多啦A夢,

睇到一半就出左去,點知都係遲左15分鐘,咁我咪係零食物語門口隔離碌柱到等,

等到1330打比嘉問下佢係邊,仲係屋企,諗住等多陣就到,

然後等呀等,悶悶到幾眼訓走去7仔買野飲,買左權甜到死既咖啡,提神+解渴嘛\口/

跟住繼續等,同欣姐(奶媽0_0)sd左陣sms,等左接近1個鐘,

唉,等到碌柱都反晒光,乾淨晒,我統計到係我面前行過既人有約100人,

企係到都就黎訓得著-_-...都話約2點t^t唔信我!

嘉話岩岩搵番佢隻狗,打比 美人~ 話佢地係普光行近過黎,

等到1410見到佢地大搖大擺咁慢慢"懶"過黎,有d想打人既念頭出左黎-.-

then跟住佢地去入電話d$,之後搭火車去左大埔,企左係到等嘉,

我就叫佢地去廁所,我去完之後 嘉嘉~ 終於到上水,然後等多5分鐘到,

嘉黎到喇,但 枝枝~ 唔知嘉係邊到,所以問我,我點左佢去另一邊,,[笑^v^]

嘉黎到,枝又"懶"番過黎,出發搭bus去大埔超級城,then上到巴士好嘈,

一行7人包括: 枝,嘉,我,美人,writing,牙茵,albee;;

係巴士到,嘉幫美人札左個頭,好搞笑,忍唔住笑左=.=

然後落車,入左超級城,落去又上番去,去左大埔廣場,買野食,

然後出左出面兜左個圈,入番去,美人,albee,writing見到本書,

即刻話番粉嶺買,然後我&嘉&枝&茵追住佢地,愈追愈跑,唔追喇~

跟住我地見幾悶,係個欄杆到望落去,見到1個呀嬸+4個呀叔,茵佢向住佢地嗌"靚仔",

然後佢地幾個閃晒去後面=__=得我一個仲望住下面,見到個呀嬸望上黎,笑~

之後兜去C區諗住搭車番粉嶺,點知係我地搵到路既時候,早我地半個鐘走果3位,

竟然打黎話盪失路,係咁笑,佢地有$到走去飛的番粉嶺,勁-v-"

我地終於等到個巴士黎喇,上左樓上坐,嘉叫我拎住佢塊超細既鏡,

我又郁黎郁去,佢照唔到,激死左佢,呵~_~坐下坐下,嚇死以為飛左站,

喪傾喪笑好囧咁傾到樓上得番我地4個,然後兜左好耐終於落車,去搵火車lu~

番到粉嶺,行番碧湖,然後去左影貼紙相,在下只能以"囧"字形容-,-

之後送枝番屋企,茵就番屋企食飯,我&嘉就送到枝樓下,

then計劃下去邊,決定去小勇同窗身處既區場= =去花都等埋茵就一齊去搵小勇喇-.-

全程係我帶路-.-發覺必要時我都唔算係路痴姐-v-"

去到區場見到好多人,原來係個佈道會黎,入到去搵d人問"兆晉係唔係到?",

d人話小勇仲黎緊,諗住出去等之際,有人見到小勇黎到,就叫我地出去搵佢,

伯母見到佢個仔咁多fd撐佢場,表現得好happy,之後叫小勇帶我地上去坐,

點知上面冇位,落左下面;;前面有人坐果陣,我又睇唔到,又上多次去,

行到最上有個位,就坐低左,原來個主持係楊英偉,雖然粒星細左d,但總算都叫見到明星-3-"

睇完一輪遊戲,到左唱詩歌,唱完聽見證,見證完聽個傳道講野,

由於悶得制,sd sms比奶媽欣又唔覆,所以就拎嘉個電話sd sms比ck姐姐-.-

開頭ck姐姐唔知係我,所以係咁覆^v^ 後尾先知係我黎,我比番電話嘉,唔sd了-.-

然後有樣野叫落去決志-.-跟住勁虧咁走落去玩下,點知好耐=___=

玩完之後跟小勇去食飯,太夜搵極都搵唔到間有開+平既,

最後太肚餓都係去彩園食m記算,但係小勇佢唔食得,好似想喊咁= =

我好內疚發佢脾氣,搵左間佢唔食得既野,下次陪番佢食t_t

之後出左去平台冇位坐,番番入去m記有位坐,小勇買左杯茶番黎飲,

紅茶加奶飲,佢仲講左好多歷史比我地聽,very gd!!

食飽飲飽之後就去惠康等佢呀媽,等果時見到有人跳舞,勁正-_-

之後就陪嘉去廣場搭車,我就陪茵打的番花都,然後番屋企lu-.-