comment

哩幾天天氣真係好反覆無常..大家要保重身體啊..岩岩訓醒冇幾耐,梳洗完就來打日記啦..琴晚睇左一百萬零一夜,真係超好睇..我終於明白咩叫不容錯過既好戲啦..

今個月既糧餉緊緊巴巴,(其實每個月都差不多)所以哩個月捻住停學音樂先..到下個月再學(其實都唔知架,順其自然啦)..今日一如既往-返工..返工哩兩個字對我來講充滿厭惡,疲倦..不過日子都係要過..只係希望自己生性d..努力d..盡快搵到其他更好既出路啦..天空不空,天大不大,只要你肯展翅高飛,就能找到屬於自己既一片雲彩..

今日-最慘無人道的一天..公司推出咩8蚊一碟美國肥牛等優惠招徠左一班又班既飢民..做到我手忙腳亂,手軟腳麻..再係真係咁遲早唔撈啦..仲以為依家淡季生意應該冷冷清清既..點知生意仲百上加斤..唉...真係去他媽的..

唔訴苦啦..講下d開心既野先..琴晚收工之後同文(my good friend)未去到best啦..佢仍侍改進..我地去左網巴玩通頂..講真都幾enjoy既..我一味听歌...把個喇叭較到最大..忘我似的播d適合心悄既歌..當然我都有跟住唱啦..如果唔係好似唔夠盡泄..希望我既破嗓子冇騷擾到其他人啦..玩到七點幾先訓..訓到2點幾跟住去左shopping..坦白講,哩日還不算太壞..好攰啊..想訓啦..開心又一日,唔開心又一日..咁梗係開心好啦..

hey,今次係我第一次打自己既心情日記..有d興奮,有d緊張...雖然暫時未把自己個日記比任何人..但却有種無形無色既壓迫感壓得我連呼吸都有d急速..睇來要放鬆下自己先啦..

第一次打日記真係毫無頭緒,唔知該打咩好..不過我都係希望隨心所欲,捻到咩就打咩..唔想刻意去修飾..但願做到自自然然..簡單平淡就好啦..唔係咩?顧名思義,日記-梗係要講下今`日既心情先..其實都無咩特別..一如既往..只係從今日開始就會多左一樣野要做..埋係打日記囉..希望有多d人上來睇我既日記,分享我既喜怒哀樂就足夠了..希望以哩D做我既開埸白都ok啦..祝大定have a nice day..甜夢.. 

                                                                                                                                                                                                                  建倫.黃