哈~今日九點九見家長....但九點先起身~
以阿媽既龜速~我地決定搭半就走行~
但未到搭九就到左~
雖然同阿妹見同一時間~但見未夠鐘就見左佢個個先~
佢俾老師話唔尊重師長~見到面唔打招呼~
之後又同阿媽傾係屋企既情況....
最後決定話要限制佢上網既時間~
then....到我啦~
首先....話我係學校都好好....做事都跟得好足~都係多得你(我阿媽)既教導......(有咩??有掛)
THEN阿媽就好威咁問我:咩你遺傳左我D掂野??(ER...)
呢句話都重複左幾次~
之後又話睇番d成績....
英文幾好~中文都ok~數學都唔錯~物理都幾好...........數理既科目都幾好......(er.....)
對於佢可唔可以係原校升讀中六就一d都唔擔心既(但到時撻Q咪死~)
唯獨怕佢會有壓力~!!~(阿媽問:咁你睇唔睇到佢有冇壓力??)
我睇唔到呀~佢將自己收得好埋呀~佢俾人覺得佢好有自信..從來唔洗人擔心架~
之後唔記得講咩LU~但我阿媽基於我妹個班主任話要禁制我個妹....
於是又問埋:咁洗唔洗禁制佢D咩呀.....?(我同阿妹O左)
唔洗五分鐘...就講晒啦~
----------------------------------------------------------
講真....對於我黎講....壓力一定有......
但係咪好大???會唔會大過其他人既壓力呢??我唔知....
但我覺得而家有既壓力未夠令我去到最努力一刻.....我都唔排除過左最適合個一刻~
至於壓力既來源係邊??我唔能夠好確實咁講出黎~但我知係同自己既性格有關~
係學業上面~我知自己係有好大既妒忌心~
以前...我好多時都好想高分過MANDY.....因為我覺得點解命運係咁??
個天造每個人既時候都唔係公平架~佢可以唔溫書都可以拎好成績~
即使話自己唔明老師講緊咩,都可以考第一~
但起碼我會溫下書~背下野先呀~~
又俾你講得通....佢係屋企都會溫書!~
我更加唔鐘意佢明明有溫又話冇溫...明明識又扮唔識~呢D人好假呀!!!~
你可以話我呢D人都唔好得去邊....好似個個人都對我有威脅咁~
可能對其他人就會冇咩野...因為覺得自己同佢地既距離太大啦~同埋....MANDY係我朋友~
到左而家....即使個腦對住佢諗咩都冇用~
反而而家係睇個會考自己要點努力.....
總係覺得有好多野要溫....一定會溫唔晒.....
但卻唔好好珍惜時間.....每日係度HEA~咩都話聽日先開始.....
但係到左聽日又話再下一日先.....
係屋企方面.....而家"家"俾我既感覺...只係一個容身之所.....
我感受唔到家既氣氛.....
自己克人憎既性格.....我知大部分同自己有關~~~~但我不得不賴係同我家庭環境有關~~
成日話我自私....
但係我細個個陣.....食親飯都有限制....
每碗飯只可以食一隻雞翼....想食多隻?添多碗飯LOR~.......
次次佢地買野番黎...有冇話會分D俾我呀??冇呀!~
我已經學唔到同人地分享啦~但到我次次買親野番黎....都問我拎黎用OR食.....
咁我見你地又冇俾過我~咁咪唔俾LOR~又話我自私......你地都唔係好榜樣....叫我點學呀????
SO....到左而家....雖然都仲係好自私....但我都要去學.....得閒買下D糖番學校.....
咪請下同學仔食LOR~有時就黎冇晒既時候都會有番D私心~但見大家開心咪算LOR~
同人分享有咩問題呀????但阿婆會話自己都冇得食.仲請咩野人食呀???
個次話想去捐血又係咪...自己都冇血仲捐咩俾人呀???
屋企人成日都話要守法.做好市民~但佢地有冇做好榜樣呀??
個個都講一套做一套....自己排隊就"似"老生嬌學人打尖....仲要死都話自己冇錯......
阿爸阿媽就成日講粗口....叫你唔好學....
拋垃圾扣分制開始左之後,佢地都冇檢點過...仍然會照舊拋垃圾(不過細件個D) 照樣隨處吐痰....
真係慶幸佢地仲未俾人罰錢~
犯法既野佢地都唔係冇做過~偷渡D電腦....四腳生物....不過都係以前既事.....
而家就便宜實貪....今日去左荃灣食左個下午茶...個人拎多左碟野黎~明明冇叫到~
阿爸就話拎左就食啦~唔好理啦~
為左要呃自己佢仲係一個好人,我假設佢以為係我地叫多左個碟.....
最後.我都唔俾阿妹食...叫個人黎拎番走佢!~
我覺得大家係有DD血緣關係之外都冇咩野特別啦!~
我唔鐘意而家咁~成日都係我做晒D家務~
之前都同左阿媽講話要搞好會考...唔想做家務浪費時間佢都話OK~
但個問題係阿婆完全唔知咁樣好浪費時間....冇時間溫書.....
可能有人覺得燁姐個D日日都要煮飯咪仲慘.....
但我覺得個問題係佢阿妹都會肯做呀~佢媽媽唔係因為忙都會自己做番呀!!
但係我呢??以前同埋家姐一齊住個陣,阿婆叫佢唔聽就叫我做.....
得閒咪幫下佢做LOR~...個陣小學四年級都做家務啦!!!~
真係縱壞佢地呀!!!!變左咩都叫我做先~我話唔知叫家姐做家姐又唔做....臨尾又叫番我做!~!~
都話做就做架啦~不過遲D咋嗎~唔好成日係我耳邊哦我得唔得呀???
到左而家~阿妹已經中一啦~仲係咩都唔洗做.....做咩唔叫佢做呀???因為佢細喎....食Si啦~細.....
連阿婆佢自己都變得懶左啦~我唔知係佢真係周身骨痛定係點~
總知佢就咩都叫晒我做.....自己就淨係識得坐係sofa度睇電視...訓覺.....
連食藥都要人地斟埋水拎埋藥黎~成個x人咁.....
但每個星期六日就同佢d fds周圍癲.....
----我已經開始發癲啦!!!!佢一哦我我就話佢唔叫張文雅做~咩都淨係識得叫我.....
我就黎痴晒線啦~我真係唔知自己遲d會有咩下一步行動!!!!!!
但我會盡量控制自己!!!!!
我話過自己要堅強d.....但係我仲做唔到.........點解要喊喎???
-----------------------------------------------------------------------------
剛剛同阿妹係荃灣買左d曲奇餅粉....
佢諗住情人節請人食喎.....
整到就黎食得既時候....阿婆總會出現偷野食.....
人地又冇話唔俾佢...都未整完就拎....一d禮貌都冇...又叫人點學呀????
都唔鐘意佢成日拎人地d野食....自己覺得唔好食就係度嘈話我地專登買d唔好食既野番黎專登唔想佢食.....
唔通下下買咩都要為左佢咩?我生存係呢度就係為左佢?佢夠餐餐買d淨係佢先食既野番黎啦~~
下次啦~知佢年紀大....盡量啦呢d野~
結果d心形既曲奇....我覺得唔好食..但阿妹就覺得好味~算啦~又唔係我送~
不過係將d唧有朱古力既曲奇運上去雪櫃既途中....發生左工業意外....只有少數曲奇獲救~其他就堆填區見啦~
此外~買左我給情人的禮物~希望可以陪佢過得開開心心~咁就夠架啦~
|
