中文科....不嬲都係我最差既科目....
過左去既野真係唔好提....
好在之後透過個倒數器上左一個唔知邊個個blog...
令到我有靈感作第一篇.....有826個字呀~我的記錄來的...
如果會考作文成績係同作文字數成比例...你話幾好呢~
考完唔記得試下部機係可譽收唔收到tim.....
如果收唔到....肉赤死啦....$203架....
------------------------------好搞笑~考中文好似小學敘舊咁...見番好多舊同學~
呢排真係好怕自己會病....一病就唔會考得好架啦~
不過右邊耳仔....n年前穿耳搞到發炎....個洞都埋左啦.....
咁多年後竟然返發.....有咩方法可以解決佢呀??
又腫又痛...好難聽listening架喎~
-----------------------------
尋晚的星空奇遇鐵達尼....真係好精彩~
有個人好似已經痴左線咁打黎係咁話以前的男友真係好好架...點解唔要我???
就因為分手而搞到自己有抑鬱.......愛情呢樣野真係害人不淺呢~
又有個人明天就考會考....已經預左科科u....
覺得佢已經好有勇氣架啦~明知唔得都要去~
好過一d以為自己唔得連試都唔敢試~
希望佢可以考完後戒毒成功~
------------------------------
有人問...會考既秘訣到底係d乜....
我覺得與其去問...倒不如去學
學下不求成績高低...但求問心無愧...
用心去做...用心去付出....做好自己既本分....
總有一日...你會發現....原來成績已經係你心入面....
|
