今日係學校10週年活動既最後一個─仲夏文藝晚會。
本來覺得自己參與其中簡直多此一舉，因為D表演都睇過咁滯，自己又唔係做得好到可以係葵青劇院表演，
所以每次REHERSAL都係以自己為重，以口琴為重。
每次吹都係咪咀，完全忽略成個表演係要好多方面去配合既！所以，我對於之前早走、遲到、缺席對MISS POON致最大既歉意！
今次呢個晚會，我睇到既係PLKCFS既同學其實仲未成熟架，包括我自己，都會係唔適當既時侯傾計，老師們真係好辛苦，我相信MISS POON係搞左好耐，由朝早忙到夜晚，相信係連DINNER都冇得食！
羅政詡會因為攰得滯，爬係廂座個欄度休息，梁SIR會好緊張，仲有好多老師為左接送我地去後台同廂座，係條樓梯跑來跑去好幾次！睇呢個SHOW期間，我對大家既人生安全感到不安，個度十分黑，差少少就會跌落去！跳JAZZ既男男同學就以身體作賭注，可能佢地好有把握做D高難道動作啦，但係作為台下觀眾既我，就只係為佢地擔心，而唔係覺得佢好勁！
至於口琴隊既事，好多野都未必做得好，但我深信黃宇斌作為團長，所有野都係由佢決定做唔做，而自己作為女仔，及團中一員，實在無權分呼佢去做D咩同做佢做D咩，其實女仔(人)係有自己既本份，何必去越界做埋男仔(人)做既野一決定事情。所以係口琴隊入面我多數都唔理黃生做D咩，最多問下佢好唔好咁做etc，至於今日，我覺得何永泰老師唔住，因為放飯既時侯，冇問下佢有何決定就走左，話晒佢都係為左plkcfs，孤身來到葵芳，我地走晒得番佢盲中中咁實在有點那個！
其實到左最後，校長多謝miss poon時，我心中都多謝佢，冇左佢，我地plkcfs既音樂就唔會咁多交代，有咁多人才，發掘咁多人去做指揮，將音樂搞得有聲有色，但係「十年人事幾翻新」，下年，佢就唔再教我地cfs(收風得來的)，有更多的開國功臣都逃避不過改朝換代既時刻，我相信唔係校長話辭退佢既，但係諗深一層，既然係cfs做左咁耐野既老師都毅然離去，即係佢對呢間學校已經冇晒希望，我仲可以對cfs有更多歸屬感嗎？
多日不見，鄭sir感覺滄老了些......多了些悲涼之感......「道不同不相為謀」。睇黎8月8日後大家都係各行各路吧！講下文藝晚會以外既野先，7月12日的謝師宴咩都未準備好，但係唔打緊，過到自己個關就足夠了！
7月21日，口琴係九龍灣megabox又有表演，所以個日又番唔到家聚！阿sir想我同黃宇斌夾二重奏，但係我唔想，因為佢好勁，我怕因為我既錯誤搞到大家一齊炒粉，亦都怕俾佢鬧，看來大家都唔係對方的cup of tea了，始終冇勇氣去同佢講，因為都唔知自己憑咩話自己鍾意佢！
最後，辛苦晒李弟兄幫我打！thank you
|
