尋日...出左去荃灣唱K...
但係未開聲....唱得好難聽....唉...
之後番屋企執屋...因為一間有好多人黎我度打邊爐....
五點幾既時候佢地黎到啦....洗下野...等到七點就開始打....
打到八點幾就話飽啦...於是六個人走左入間細房傾計....
大部份都唔記得啦...最深刻都係ABC的話題...
傾到11點佢地就番屋企...我就執野訓覺啦....
到今朝....去左補習...本來仲以為佢地個個都會繼續係廸斯補....
原來一個好鐘意同我傾計既妹妹..佢媽媽冇幫佢留位...所以佢今日係最後一日....
當佢知道左好失望....於是我就俾左個電話佢....叫佢打俾我啦....
本來諗住係得閒約佢去公園玩個D...同時我又知道如果廸斯個度請到人....就唔洗俾我做...
咁我諗我同佢一對人好唔好...佢又話好喎...好想我教佢喎....
佢話要問下媽媽先....之後佢姨話會好貴唔俾...
咁我話跟番係廸斯既價錢LOR...講完發現自己衰多口....計番一日1.5HOURS得35蚊....
之後就唔知點算啦....聽天由命啦....我諗我又唔會咁早俾人炒....
如果我可以決定的話...我希望可以盡快俾廸斯炒....阿SIR個度都唔做啦....
每日只係幫佢補習....雖然每個月都係得700蚊...但係好過冇...
最唔想既係又要番廸斯..佢又要我補...星期五仲要番阿SIR度...咁就DIE HARD啦....
呢D野...交俾神幫我搞掂啦.....轉介俾SARAH都得掛我諗....
唉...俾個CAMP嚇親TIM.....
講到好似好恐怖咁...又要帶睡袋(唔通要買?)...又要帶一升水...真係唔知有咩搞....
唔可以俾佢嚇親既....上年班F.4都冇事番黎啦....
我一定得既...永不放棄....冇人可以叫我放棄既!!
我仲可以靠神....
|
