今日...七點半要起身...準備同秀秀去食早餐同埋出去比賽....
去KFC食6號餐...有蛋有奶茶....
食食下隻蛋....竟然不斷地食到蛋殼....咁呢D野吐出黎都冇咩問題....
之後飲飲下杯奶茶....竟然會有條通粉係杯野入面....
係正常情況下....我又無食通粉....
個條通粉係無奶油係我個杯奶茶出現架!!!
唯一有機會接觸既係...洗杯的時候....
個証據係我係KFC做過一日...知道佢地會將D杯碟碗擺埋一齊洗....
由此可以證明...KFC洗的野係唔乾淨的....
即係話...我飲個杯奶茶亦都係唔乾淨的....
KFC佢地咁樣做...做視顧客的生命健康於不顧.....
對於呢D咁既奸商....我..懇請各位見到呢篇報道的朋友們...
抵制KFC....如果係堅持要去的話...亦請小心自己的食物......
之後番左學校傾CASE....
由於我尋晚冇完成要替盤問預備的東西....
加上今日又要搞埋自己的結案陳詞....
所以好多盤問可以問的POINT...我都冇寫落去...間接影響X的表現....
係學校好趕地食左個M記...好趕咁走去搭港鐵....
係車上面...佢地不斷地練習證供...而我...好努力的作我的結案陳詞....
到左之後...先去了一個設施簡陃的廁所.....
臭到我D組員都係到吐...嘔晒頭先食個D野....
其後上樓去個好D的廁所放低D野....
等左一陣就去比賽啦....
俾我發現...我地派出去的都是不在狀態的....
開案的人...好似開始有感冒....
主問.....剛嘔完....
盤問.....睡眠時間不足....
得番我....雲遊太空....同嫦娥一號一同圍繞月球緊.....
首先...由於我仲未寫完我的結案陳詞....
所以開案時我並沒有留意...
其後的主問+覆問....都有幾多野忘記了去挽回分數...
證人都好緊張...
之後的盤問....勁努力幫X諗野....可惜...離題了....講真...自己都會有D負責任...這只不過是最令人記得的失誤地方....
我覺得並唔可以因為咁而話做得最唔好個個係邊個....
如果係好平勻咁睇做得最差個個....一定唔會係盤問個個人.....
而我要求暫停的五分鐘裏面...完全被大家的互相指責煩到我諗唔到要寫咩....
其實我諗...到底係咪有必要要請人地做得唔好呢??
提醒是好的...但我要求暫停是為了做這些無聊透頂的事嗎?
我在這個結案陳詞中...最大的失誤係唔記得左講被告係有權去睇而唔睇....但只係話佢係有能力...唉...
MISS 給我的評價...亦只是一句"可以"而言...
之後...影相....估唔到要介意一場勝負係咪咁重要
況且...大家都係睇分數而入決賽架啦....
由於要去廁所....所以...MISS左影團體相....
不過我覺得咁樣...反而令我了解左朋友多D....
出番LOBBY...實係覺得D人完全唔識DO的.....
係到要個陣講唔介意勝負的事.....可能佢地遲D講都會好D....
而我....從來都唔好太好運....
預左有我分的比賽都會輸得一敗塗地...因為我的好運..已經係會考同中三時用晒了....
加上今朝的事...已經可以證明我今日係真係好黑仔....
其實...我地告得入被告...都唔關我地事架啦...係佢比我地個D資料對我地控方有利而言....
比賽結果係我地輸俾老公馬錦明1.1分....得五十幾分....
下次一定要進步15分以上!!!
完左比賽之後落左去檢討...完全唔記得講咩...
總之就係話我地一次D角色要調同埋佢地知D人應該要點擺....
唉....如果要我同男朋友仔分開唔同部門...一定好唔高興~
過程中...為了從書包中拎法官對我們的評價那張紙....
不小心割破了右手中指....由於M.C佢仲唔肯放人....
我隻手指延遲救治....10點半番到屋企的發現極度痕...並腫了....
我唔排除會起訴佢間接傷害他人身體...
不過佢都可以打佢係唔知呢件事....
THEN....行左去深水埗...竟然可以係同一個商場入而行左4個鐘....對腳勁攰....
主要我想講既係...去食飯的事.....
衰神係我食飯的時候亦陪在我左右呢!~
我ORDER了一客五寶烏冬....有五種唔同的丸...
最重要的事..老闆私人送多三隻小昆蟲俾我.....
而我..好似食左其中一隻....先發現左昆蟲.....
結果...都係扮唔知...拎D小動物出黎再食....
費時晒時間啦....但係..我都係奉勸大家....唔好到西九龍中心的綠仙子台式餐廳....
完全破壞晒台灣的形象....
如果我聽日病左的話...以上幾個唔排除係病因之一
|
