今日...11點幾先起身....
之後我家姐同我地講...
話屋企多左隻狗....
出到廳見到....又係一隻唐狗....
不過係黑色的...唔夠BB可愛...
但因為BB對其他狗少接觸....
見到佢就撩交打...搞到俾我家姐同妹話..佢唔乖...
勸交中....一陣再打
---------------------------------------
狗的事我不多說了.....
最後講有關BBQ的事:(發誓以後唔講)＋（心聲。有機會唔鐘意人地做法）
綠社BBQ過左，好多人都話社長唔做野，但其實我係星期五之前一Ｄ都唔覺，只係覺得自己要親身去買，親身去格價，將Ｄ野放係我屋企，係一個對綠社幹事、社員最好的一個方法（可能自己自大啦∼）。所以我從來無諗過佢地會介意社長做過幾多野（或者係我搶晒佢Ｄ野黎做呢∼）。
我會認為，不同的幹事可以有不同的責任。社長、文泰、芷湘都有相當不錯的親和力，可以負責和庭員打好關係（特別係中一），雙苦你要我同啦啦隊隊員共事，我可以好容易話俾你知我一定會令到佢地對我極度不滿（特別係賴琪同陳寶兒等人），係上次的啦啦隊集會佢地已經見識過我點唔滿意佢地成日反我地Ｄ決定。（今年我已經放棄扮好人了，咁樣做只會被人蝦，你點對我同我Ｄ人，我就點對番你！）所以我認為準備物資呀、計劃活動個Ｄ都係我黎做好Ｄ∼
可是，身邊的人總是有意無意地灌輸給我知，社長簡直不是人，綠社真係好黑暗。講真，你話我自欺欺人都無所謂，我真係想係我眼中，呢個綠社、呢間學校、呢個世界仍然係好像小朋友思想咁，單純得很。大家都不會批評別人做得唔好，所有野都係好坦蕩蕩的，唔會暗中話人地。因為而家咁樣對於我黎謂係絕對會令我心中想法產生不良的影響。故此，我寧願大家從沒有說過綠社社監社導師是盲的，揀左個無能的社長。久而久之，綠社社監社導師是盲的，無能的社長的形象就會深入我心架啦∼，每日都因為咁令自己唔高興，咁又值得咩？
對我來講，社長所犧牲既野可能係較少，因而引致好多人都唔滿意，批評說話總是一堆堆，但係我又會諗，點解佢地只係講而又唔做呢？話社老師揀錯人，咁點解唔同老師講你揀個個人都唔做野既？於是就會有藉口話自己係別社的，不宜對他說，咁。既然唔關自己事，咁點解又要批評人地社Ｄ野，介入人地社的事呢？
所以我想說的是：
１。下次，如果想對我說別人有何不足之處時，請順便話埋俾佢知佢可以點改！
２。請你們不要再分化綠社了，我不想綠社幹事只有４名。。。。。
此外，學生會中都有社的幹事，我又唔想話係佢地ＨＯＬＤ住Ｄ人，但係我覺得咁樣搞，我地次次開會佢地都話要去ＳＵ唔黎，好多重要決定都因為咁要暫時擱置，搞活動既時候又唔夠人用喎。。。可能會話少左幾個人，唔係好緊要姐。。。但正因為少左幾多，平均黎講度度都唔夠用。好似今次咁。。我地物流要走２轉，文泰的採購部又係要行２轉，我覺得個３位開頭話要做綠社幹事，就應該負責任，幫番個社做番Ｄ野。。抽少少時間黎開會都得掛？？仲有呀！我地綠社ＢＢＱ早過籃球比賽好多日已經講左架啦！我唔明白點解仲可以用我Ｄ人？Ｄ人又係既。。明知個日有野搞，又唔同其他人夾好，抽少少人黎呢邊∼
又係學生會又係綠社個Ｄ幹事請留意：
下次知道撞活動的時候，請立刻話俾我地知，等我地唔洗預埋你，失晒預算！ |
