好開心今次有機會參加[美肌天然養生術 – 美麗由根開始]11月9日係武當學院既活動,呢個活動係由神之湯殿及武當學院舉辦, 有美容專欄作家Yoko Tsang同脊骨神經科醫生Dr. Michelle Zhou做嘉賓同我地分享美肌天然養生術.
真係唔係呢個活動,都唔知香港原來有呢個武當學院同呢個係日本好hit既岩盤浴.
先講呢個武當學院,係炮台山海景大廈入面, 今年6月23日才開業, 裝修得好古色古香, 放左好多有關佢地宣揚道教同太極既物品,播放住中式既輕音樂, 營造一個好寧靜同舒緩既環境去放鬆心靈.真係城市森林內既一個閒適地, 佢地仲好客地用茶點招待我地.
活動先由三位女士 – (左起: 神之湯殿負責人Joanne, 美容專欄作家Yoko Tsang同脊骨神經科醫生Dr. Michelle Zhou), 佢地講解左我地好多時因為成日對住電腦同定位工作引致既身體不適,同解決方法.
跟住係另一個焦點介紹係日本好hit,連濱崎步同小雪都常常去做既岩盤浴喇. 初初睇單張都以為係一般既太空艙, 以焗汗形式去減肥.好彩經過嘉賓同美容院既講解至知佢地係非一般既焗艙,而係會釋放大量負離子既焗艙.又係嗰句,呢個活動之前, 只知負離子只係直髮既方法, 點知原來負離子係對身體有好大益處,能排除身體既負能量, 更精神同令身體及皮膚健康.係森林就係有好大量既負離子喇, 但係我地又點可以長時間係森林度吸收負離子去清除身體既毒素呢???
所以神之湯殿就引入左呢個岩盤浴,既可排汗美肌減肥, 做左40分鐘等同慢跑10公里, 同時亦吸收大量負離子去養生,保持身體健康.介紹到我都心郁郁,因為焗一焗就等同做左運動同可養生又美肌, 同聽佢地講一次都係二佰餘元, 都OK既.
Yoko仲話因為試過好有成效,仲介紹埋俾佢既家姐同媽媽做添, 為既就係令家人身體健康.
同場仲有武當學院院長 – 玄一道人 黃崧峻博士,黃博士為武當張三丰太極拳第十五代傳人, 唔怪之得同我地示範幾招太極拳時打到發發聲啦, 失敬失敬.
最後好多謝神之湯殿送左我地每人一份紀念品,係首次引入既Little Magic美肌小魔法櫻花霜, 係如同BB Cream可改善面色同遮瑕, 但無須用落妝產品洗掉.仲有一支馬油呢!!
好多謝神之湯殿,武當學院, 美容專欄作家Yoko Tsang同專業脊椎神經科醫生Dr. Michelle Zhou同我地分享養生之道,thanksssssssssssssssss!
|
