好開心今次有機會試用韓國品牌Mask House Celebrity類​蛇毒煥顏袪紋精華Syn-Ake Derma Rescurer 及類​蛇毒美白黑面膜 Brightening Gel Mask

先睇下佢既包裝 :-

類​蛇毒煥顏袪紋精華 – 鐡盒包裝, 內附3小支各5ML既精華

類​蛇毒美白黑面膜 – 一盒3片, 名同相都俾你知道呢塊面膜係黑色既

兩款都印左有效日期同生產日期, 最鍾意呢個做法, 咁我地就唔駛驚用左過期貨啦!  佢地亦都列明成份同使用方式, 用前記得要睇清楚呀!!!

類​蛇毒煥顏袪紋精華, 顧名思義, 係用黎袪紋既, 亦講明係用於有紋既地方, 千祈咪好似我咁貪心, 見額頭較乾同有乾紋, 加埋成日縐眉形成眉心紋, 貪心諗住搽埋塊面可以有紋去紋, 冇紋防紋啦, 點知就出事喇, 面頰可能冇紋又冇咁乾, 所以面頰搽完後反而仲出粉刺, 而額頭同眉心又冇問題喎, 所以絲打如果你冇紋既地方就真係唔好搽喇.

質地方面, 精華素好水嫩, 好易吸收, 間中有一兩粒白色野, 應該係佢既成份.  用完後好爽, 大家亦都可以再on top搽其他功能既精華, 但大前提係你搽既地方係真係缺水同有紋, 唔係就好似我面頰咁會出粉刺或粒粒架喇.

類​蛇毒美白黑面膜, 係盒面已寫明係黑色水凝GEL, 唔係濕到漏個隻, 同分開上下設計既, 咁就唔會顧得上唔顧得下, 可以全面覆蓋.  用完時塊面有緊緻同少少熱既感覺, 不用清洗, 好方便咁可直接再搽護膚品, 到第二朝塊面仲滑左同keep到個緊緻呢, 唔錯!

 

 

 

 

 

用後感:

個類​蛇毒煥顏袪紋精華係只適合真係缺水同有紋既絲打使用, 用左7日, 覺得個額頭同眉心既紋係得到滋潤而淡左, 冇咁明顯, 唔錯. 

而個類​蛇毒美白黑面膜就適合任何類型既絲打使用, 因為佢係美白為主, 咁個個都鍾意白架啦, 仲有用完有緊緻同白滑既效果, 又點會say no 呢!!!

好多謝Mask House Celebrity 同 beautylife.hk俾我今次試用既機會, thanksssssssssssssssssss!