好開心今次有機會試用PARIS NOVEXPERT 系列護膚品牌.
呢隻NOVEXPERT係新打入香港既法國巴黎品牌, 無論產品研發, 天然成份, 生產過程及包裝的物料都係100%源自法國, 真係Made in France.
而今次試用既係佢旗下既醫學煥膚亮肌系列Expert Radiance Program包括:
(i)煥膚亮肌去角質啫喱The Expert Exfoliator – Mask & Scrub (HK$295/50ml),
(ii)煥膚亮肌維他命C精華The Vitamin C Serum (HK$399/30ml),
(iii)煥膚亮肌特效晚霜The Peeling Night Cream (HK$379/40ml).
今次既試用產品係要去到銷售點: ASC Laboratoire (銅鑼灣世貿中心P1 Area B鋪)領取, 因為佢地既美容顧問要講解下佢地非一般既用法同佢地獨特用法既原因.
先睇下佢地既包裝, 顏色鮮明: 黑白橙
而佢地既用法又點非一般呢??
先睇佢既去角質啫喱
呢隻啫喱唔係我地一般用開既去角質產品好似擦子膠去死皮個種, 而係啫喱質地內含荷荷巴微粒子以去除表皮污垢.而且佢亦有面膜既效能, 所以佢既英文名係Mask & Scrub.仲有呀, 唔同性質既皮膚亦有唔同既使用時間,乾性就留在面上3-5分鐘已要清洗, 混合性/中性肌膚就4-6分鐘, 而油性則6-8分鐘, 此點要留意唷!睇我塊面有好多一粒粒, 敷左5分鐘, 然後先用手指沾水再全面慢慢按摩1-2分鐘, 跟住可以再用大量水清洗喇.用完塊面滑左好多, 而鼻上既黑頭亦都有明顯減少, 唔錯, 但一星期只可用1-2次.
用完塊面滑晒
做完磨砂面膜就用佢既晚霜 - 煥膚亮肌特效晚霜The Peeling Night Cream.呢隻晚霜亦唔係我地一般用開晚霜既使用方法, 因為除左眼部唔搽得, 要用番自己既眼部產品外.面部係唔需要再搽精華素或導入液, 淨係搽呢隻晚霜已足夠.唔係因為佢同精華素2合1, 而係佢有排毒既功能, 如果你先搽精華素再搽佢, 你既精華素就會被排出, 即係冇用.而且呢隻晚霜既質地好似厚啫喱咁, 搽完塊面係好笠, 好似搽左sleeping mask.但唔好俾佢呢個情況嚇親, 因為佢雖然笠, 但係完全冇阻塞毛孔而出粒粒或粉刺, 相反, 而家夜晚開晒冷氣就最啱用, 唔怕塊面水份被抽乾嘛, 仲要第二朝洗完面, 塊面係好滑同冇暗粒, 好易上妝, 正!
咁朝早洗完面後, 就用佢既 - 煥膚亮肌維他命C精華The Vitamin C Serum.呢隻Serum就只係早上至須要用的, 搽完後易吸收好清爽, 亦係唔需要再搽日霜而直接上妝, 但試左一天後覺得有D乾, 所以之後我都有用番一D比較清爽既gel補充番.
但美容顧問再三叮囑精華同晚霜只可用以3個月為一個週期, 即係頭1個月可以天天用, 但第2及第3個月就要隔晚用.之後要隔一個月至可以開始一個新的週期了.
使用前
使用7天後
用後感:
每一個產品既使用方法都唔係我地平時用開既方法, 但係用完既效果又真係幾好喎, 排毒既作用令皮膚白滑左, 黑頭少左, 之前都有D暗粒都消失了, 又冇粒粒, 脫皮或敏感等不良情況, 而且每件都係3百零蚊, 只係中等價錢, 有咁既效果, 真係唔錯, 值得推介.
好多謝ASC Laboratoire同Beautylife.hk 今次俾我試用既機會,thankssssssssss!
產品由ASC Laboratoire 提供
|
