好開心今次有機會試用台灣品牌 - 寵愛之名 For Beloved One杏仁酸煥白亮膚乳液Mandelic Acid Renewal Lotion(HK$385/100ml). 之前都試過呢隻品牌, 同因為大S推介過For Beloved One,所以對佢都好有信心.
先睇下佢既包裝, 同佢地之前既product一樣, 灰白紅.
而盒面及樽底都列明有效日期, very good!
盒身有介紹佢地既成份同使用方法, 不過冇中文.大概係話佢地既PH值係3.5度, 有輕微既果酸成份, 用後會令皮膚更光亮及白滑.每日早晚於爽膚水及精華後塗面, 當然眼部要避開啦.想要更理想既效果, 就梗係用埋同一系列既爽膚水同精華就最好啦, 所以今次試用亦都送埋佢地既爽膚水Mandelic Acid Renewal Tonic一齊用.
先將爽膚水倒在棉花上輕抺全面.
再塗上精華後, 跟住搽杏仁酸煥白亮膚乳液, 佢既香味都幾清香, 質地好清爽唔笠, 好易推易吸收, 搽上面後冇唔舒服或刺痛,亦冇紅腫, 敏感或脫皮.微果酸得黎真係好溫和夠保濕, 唔錯.
使用前
使用早晚7天後, 皮膚冇不適或咩野問題, 雖然咀邊有粒瘡, 但其餘皮膚冇瘡或暗粒, 仲亮白左同上妝貼滑左, 粒瘡應該唔關佢事.
用後感:
呢隻牌子保持唔錯效果既水準, 小妹用後都幾滿意.不過始終果酸產品唔係人人都適用, 建議有興趣既絲打用前都係係唔起眼既地方試下有冇不良反應先.
好多謝寵愛之名 For Beloved One 同 iTrial 今次俾我試用既機會,thankssssssssss!
產品由寵愛之名 For Beloved One 提供
|
