遊學團, 以為只有學生至可以參加既活動, 估唔到我竟然仲有機會參加.
而今次呢個遊學團係由德福廣場Telford Plaza x She.com一齊合辦既, 形式就好似學生既遊學團去外地參觀當地既學校同學習, 而我地一班bloggers就一齊去德福廣場指定品牌既美容專門店參觀同學習最新既美容資訊同試下products喇.
其實起初都唔知道, 仲以為都係坐定定聽下介紹, 試下product上手咁樣啦, 點知去到德福廣場至知個形式係由She.com 既同事帶到指定品牌既專門店參觀, 聽下佢地品牌既背景, 學習最新既美容資訊同其他bloggers交流下美容心得同試下最新既產品, 真係好新鮮, 好互動, 好好玩呢!!!
今次我地呢個Blogger美麗遊學團係安排左既參觀次序為Guerlain, Kiehl’s, Biotherm 同Sofina.
第一站Guerlain, BA好nice咁介紹品牌背景, 專門店既環境, products任影, 仲送上每人一個手部按摩呢, 好舒服架!!完結時仲有紀念品送, 巧開心呢!!!
第二站我地就去Kiehl’s, 又係有好nice既BA介紹佢地最新既皇牌產品 – 極緻多效修護乳霜同眼部提升精華, 仲有皮膚測試及因應我地既需要而俾D試用裝我地, 當然亦有俾一套皇牌產品我地啦, 真係巧開心呢!!!
第三站係行去德福廣場二期既Biotherm, 一去到, 佢地既BA已經非常warm咁welcome我地, 而佢地既in-charge Yoyo 仲係一個好風趣好鬼馬既BA添, 攪起晒成個氣氛, 完全冇悶場!!佢地亦都俾左一set佢地既products我地, 仲送多一次facial添呀, 巧巧巧開心呢!!!
Biotherm之後, 就係Blogger美麗遊學團既最後一站Sofina喇.Sofina既BA係一位好nice好優雅既女士, 佢同我地介紹佢地品牌最新出既活氧鑽亮美白精華, 係以泡沫噴裝形式既精華液, 真係好新奇呢!!雖然佢地唔係送呢隻精華俾我地, 但都送左最新版既Base我地呢, yeah!!BA話呢隻會更控油同貼近膚色的.
完成埋Sofina, 望一望隻錶, 嘩! 原來足足玩左2個鐘, 但全程一D都唔悶, 亦唔覺倦, 仲滿載而歸添!!!
好多謝每一位好專業的BA
整番張大晒冷先!!
好多謝 德福廣場Telford Plaza 同 She.com 今次合辦呢個咁好玩同精彩既Blogger美麗遊學團, 希望下一次再有機會參加啦, thanksssssssssssssssss!
|
