好開心今次有機會試用韓國醫學美容護膚品牌SNP既濟州馬油滋潤護膚霜Prestige Mayu Cream (HK$335/70g)及濟州馬油緊緻滋潤面膜Prestige Mayu Ampoule Mask (HK$84/10片)

馬油唔係咩野新產品, 但之前一直都未用過, 因為俾佢個名嚇怕.  馬油!? 係咪好油啦, 用完會唔會爆瘡架?? 所以一直都無買黎用, 以免浪費金錢.   而今次可以試下用就即管試下啦, haha

睇番簡介, 原來呢條line既所有產品均蘊含來自濟州島的100%發酵馬油，而馬油係能改善皺紋、為肌膚補充營養、加強保濕，並形成一層薄薄的保護膜防止乾燥, 原來如此.

先睇包裝, 成隻馬係個護膚霜盒同面膜既封面

護膚霜盒外用膠紙封好, 盒底則列明韓國製造. 盒內有一枝小匙, 以便每次挑起適當份量, 保持衛生不受污染.  而樽底則印有有效日期, 所有野都好細心, 唔錯

其實個質地都係cream 狀而唔係牛油咁油.  而且反而比晚霜更輕盈, 又易吸收, 仲有小小柚子既香味, 真係幾意外下.

再試埋個面膜, 面膜包裝袋都印有有效日期的, 同埋每包都有好多精華素.

敷10-20分鐘

 試用前

 試用後

用後感 :

試用過後至知道原來馬油護膚霜唔係油笠笠, 而且用完亦唔會爆瘡, 亦冇紅腫, 痕癢或起暗粒等不良反應.  反而咁啱係又凍又乾既冬天下使用更印証到佢係抗乾燥既好幚手, 完全無因為天氣乾燥唔夠潤而脫皮, 塊面仲keep到好滑同易上妝呢, 讚!!!

是次乃受邀於theZtyle.com 及SNP試用此產品, 產品由 theZtyle.com提供, thankssssssssss!