2009-02-28

分類: 未分類

第1次真係對住分中文卷唔知填d咩落去

係圖書館返到黎之後都無溫過書

諗過既野只有一樣...原來我e家咁讀書讀得唔係太開心

真心話...讀果陣 求學問 識左之後係有一種滿足感

然而...e種感覺令人更加想去追求更深一層既知識

只係覺得e個過程應該係好優閒...好自發性,自主性

但係宜家我感覺到既只係喘不過氣

就連去享受學習既時間 都要用左黎再學習其他既知識

慢慢導致學習的目的就係完成任務 再接受下一個學習接務

既不自發 又不自主 更是為學習而學習

某位前高官講幾得岩 香港舊有教育制度就係要求學生

係最短時間學到最多書本上最多既知識

所以先有學育改革而成既新學制

可能我係處於轉制底下既學生

覺得特別辛苦...新制講求通識教育

我讀左10幾年書都無教過e種思維

就連e兩年都無教過 無train過 因為課程內容都係舊制

但係往往考試既試題己走向新課程既方向

無教過又要考 真係好唔鋸

都唔係第1次講e番說話啦

我讀書讀得開心既只係中2以前既日子

果陣可能課程淺 有大把時間比我可以享受學習過程

但係反而我覺得咁樣個學習成效仲好過

宜家用咁多既時間迫自己強行記住課程內容

食野食得咁急 唔單止享受唔到食物同時係一種浪費

最後結果仲可能係噴返出黎,消化不良 或者哽死

咁樣對任何一個鐘意食野既人黎講

係一種精神同肉體上既折磨...........

傳統法國人怎都不能在現今的美國生存

發表時間：2009-02-28 02:13 AM  [ 編輯日誌 ] [ 分享至FACEBOOK ]