2008-08-22

分類: 未分類

唔知點解近7,8年既風打得好少

打既都唔會大風

唉..悶死我了

打風條街咩都唔開

個人悶悶地想落街買支煙食都冇報灘開

風又冇雨又冇

悶死啦

好想念小一那年的十號風球

早上10點天也是全黑的

有風有雨 有雷有電的 才算打風嘛

什麼也沒有 人生都悶了

發表時間：2008-08-22 05:16 PM  [ 訪客留言(1) ] [ 編輯日誌 ] [ 分享至FACEBOOK ]

                                        2008-08-21

分類: 未分類

WOW

咁大個仔第1次擺到明當面大罵老豆

宜家對我黎講...老豆E兩個字已經同仆街冇分別啦

琴晚2點幾就出黎話我掛住打機

又話我聽日要返學都玩到咁夜

我好唔明白佢鬧咩囉

宜家我玩到夜 又無影響朝上補課

專心既我一樣係專心 唔聽既一樣係唔聽

鬧鬧下佢又搬個老豆樣出黎

我細細個開始就勁憎E樣架啦^^

由我細到大佢都係咁

樣樣口講比我揀e樣果樣 比我決定返1d我有分既事

好似細細個咁 問我大個想做d咩

我諗過好多架 當中最記得既係想做個心理學家

點知呢...因為佢自己既無知

話心理學家e樣唔好 果樣唔好

同佢講返唔係呢...佢又話我細咩都唔知

咩職業都係咁架...除左醫生囉

好記得我話想做心理學家

佢話心理學家只會係公園訪問d露宿者喎

細個已經同佢講果d叫社工or之類既人..好似得4-5歲

都識ed野覺得自己好勁@@

不過咁同佢講完最後結果都係比人鬧既姐

諗返轉頭呢 我細個咁怕羞咁內弱都係拜佢賜

ed情況試過不少次啦...

次次都話做人有民主有自由

但對佢既說話最心刻既一句就係

民咩主?自咩由呀?家陣我係老豆

我講既野就岩...你要聽我講..你仲駁咀呀?

希特拉的極權主義喔

我可沒有投票and推舉佢出黎

人地希特拉都有啦

我最憎就係e種人...

我知道我一生一世都會睇唔起e種人

所以佢琴晚話...你宜家咁既態度同邊個講緊野呀?

我只係諗都唔洗諗就應左佢一句

我冇當過你係我老豆..所以唔洗比面

做左第3個人既老豆都做得咁失敗

又唔見我阿媽會同我搞成咁?

成日死要面...衰左錯左就拎"老豆"個名出黎打橫黎講

琴晚我都係第1次笑得咁放縱

佢一路講..我真係覺得佢講緊笑話

佢黎熜電制熄我機...我即起身姐

佢就彈左一下 仲撞側左張枱

之後自己講"黎呀..打我呀 打老豆呀"

之後捉住我隻手黎打落我度

我淨係起身姐 咩都冇做過

無啦啦叫郁手?冇病呀?

仲有我都講左冇當佢係老豆啦 何來打老豆呀?

我起身熜燈返房姐...神經病

你自己當初係一個咩老公咩老豆呀?

宜家同我講身分!?

話生我出黎 我忍佢係應該

我自問都忍過 初初都好聽佢話呀

但佢自己有冇盡力做過一個好老公好老豆好男人呀?

自從果次我溫溫下書聽到佢講

"一個男人有幾個女人幾閒姐"

d後生拍拖 果d我都話係人地生活方式

果陣自己都40幾就50啦

仔女都生左3個 仲講得出e番說話?

我忍受唔到 自己老豆對阿媽做出咁既事囉

點對得住自己老婆呀?男人!

我一路無講過出去

咁耐已黎要忍住忍住

對住一個自己睇唔起既"老豆"

過左咁多年黎 不斷拎老豆個名號出黎大我

話要尊重尊敬佢...真係只好無言+苦笑

老豆....你配咩?憑咩呀?

憑係出面收埋幾打女人呀?

仲等阿媽係咁幫佢講好說話

媽話佢係e幾年身體唔好先係咁

黎到咁阿媽都仲咁關懷體諒佢

同返佢所做既野相比

我腦海只得兩個字..禽獸!

阿媽叫我體諒佢

想我點呀?我睇唔起e個男人差唔多成八年啦!

我宜家先16咋 減返未懂事幾幾年

我曾經睇得起佢 尊敬佢既時間有幾耐呀?

三年呀?定四年呀?

要我體諒一個自己憎左半生既人

睇唔起左半生既人

有冇可能呀?

佢自己又唔肯改...一路咁既脾氣落去

我覺得機會率係零呀

已經唔係第1次咁話佢

真係完全覺得佢唔配做一個男人

發表時間：2008-08-21 04:30 PM  [ 訪客留言(1) ] [ 編輯日誌 ] [ 分享至FACEBOOK ]

                                        2008-08-20

分類: 未分類

陌生的很陌生

熟悉的又變得陌生

 就是想不通

以為最熟悉的

原來又是陌生的

其實都陌生了很耐

但是自己低能得相信

陌生的只是熟悉的帆幕

最終自己仍是相信的...

不過究竟自問的相信

是為了避免殘酷的現實

還是真的相信呢?

最怕的是自己把自己都騙過了也不自覺

發表時間：2008-08-20 04:48 PM  [ 訪客留言(0) ] [ 編輯日誌 ] [ 分享至FACEBOOK ]

                                        2008-08-19

分類: 未分類

好耐冇試過一日打3篇同日既日記啦

哈...真係好玄...自己好似已經唔係自己

抽左出黎用第3者既角度生存落去

人格分裂?maybe...

過左一個下就

唔知點解突然諗野諗得好灰

不過e樣都不嬲架啦

覺得自己好可憐好可悲

好似晏就咁

竟然用金錢買人地既人格為樂

5$$咁cheap都買得落手..哈

難道世上冇第2樣野可以帶比我快樂?

冇啦咩?冇啦咩?用金錢買返黎既快樂都會感到快樂?

我真係唔知..唔知係咪睇過左門徒之後亂諗野

不斷諗毒品...毒品

毒品...究竟有咩魔力 d人食完會上癮呢?

都不過係逃避現實

逃避恐怖既現實...?

咁......究竟係毒品恐怖, 定係空虛感覺更恐怖呢?

慶幸暫時e樣野仲係一樣好埋身但避得好遠既野

一講e樣野又諗起峰了...vicky呢?

我都將佢當左喫妹咁啦...但她的事 我始終管不到

可能都係我當時既錯...

我想如果佢有什麼事...我怕我一輩子也原諒不了自己

迷失係現實世界很苦痛 但絕不恐怖

痛過苦過 到最後也找到一條路

但迷失係一個幻想既世界

一進去 後面的門也就消失

又有幾多人能在黑暗的恐懼中

堅持尋找出路 放棄投靠魔鬼?

喔....錯了

該問能堅持尋找出路的人 又怎會走進這度門?

扯到很遠了........

我忍了很久了

很怕再受不下去的那一天來臨

都把自己獨個兒的封閉了快兩年啦

很想找個人傾訴卻不能告訴

哈...這感覺s君一定很明白

不,一定已經很明暸了...

有生以來最了解我的知己...

可恨各有各生活的忙...

各有各要受的苦.............

發表時間：2008-08-19 09:29 PM  [ 訪客留言(1) ] [ 編輯日誌 ] [ 分享至FACEBOOK ]

                                        2008-08-19

分類: 未分類

haha~好開心

岩岩做左一單有生以黎最抵既交易

今日唔洗補BIO

去左桃園食面

食完搭mtr走啦

去到mtr門口

有個人走左埋黎

話佢去荃灣 得1蚊唔夠$$

佢話張小童飛6個幾

果陣當場笑左

做善事幫佢手買起佢人格啦

橫掂佢都做得幾好笑

果陣真係想用手電拍低佢玩下野

算啦 趕住去睇靚女a3a

希望下場戲可以完美d

1.咁岩唔夠$$借$$買飛點會係門口借架,係都係部機附近啦

   不過不斷借會太揚,會有職員報警,門口借親都明呃架啦

2.張飛6個幾 你借夠6蚊黎托咩

3.一路行一路問我借$$

   借完$$之後行返轉頭上返門口=.=''好大破綻呀

   門口有飛賣?咁比人捉得仲快

4.玩門口都要識轉門口

   落左兩段樓梯,我都留意到側邊有幾個人望住佢

身為香港人 人格竟然跌到得返5蚊雞@-@

慘慘...之前20蚊買人人格都試過

估唔到宜家d人跌到落5蚊''

唔打啦~睇片+同mm msn@@

發表時間：2008-08-19 01:28 PM  [ 訪客留言(0) ] [ 編輯日誌 ] [ 分享至FACEBOOK ]