雖然不是飲了很多,但今日真係好眼瞓,隻眼好似撐唔大一樣,同你們出去,每次雙眼都想流淚,但好開心,同你們一齊才會玩這些玩意,由本來不懂玩,到宜家不會輸太多,已經有進步la,唔知遲D會唔會好嬲呢?
不知你說得是真話還是隨口講,但唔緊了,我已好開心,因為你真係當我係朋友.多謝你.

好開心你同我講左咁多你的事,你好少會同我講,每次都只會我做傾訴者,你做聆聽者,但其實我有時都想做聆聽者.

今日係我的大日子, 心情特別好, 我要將呢個咁好的心情一直保持落去.

居然第一個同我講的不是你, 本來以為你是第一個(除我屋企人之外)知道的人,應該會第一個同我講, 但世事就是咁難猜測的, 不過唔緊要啦, 每件事太如我所願都不是太好的事,順其自然反而會更好.

琴日係屋企由一點開始睇電視同錄影帶睇到六點,將上星期的無睇的一次過睇番晒.
琴晚瞓唔著,諗左好多野,今年我的目標是恢復自由身,不要俾它繼續纏住我.以前說多過做,一次都無實行過,要好好利用今年.我唔想永遠都咁無信心,一日不克服,永遠都無信心.
有時覺得自己係一個幾幸運的人,但我知道幸運同好彩不會永遠都跟住我,所以以後要學識靠自己,雖然我依賴的習慣已養成,要改是一件好難的事,但就算難都要改,因為靠幸運俾唔到安全感我,只有靠自己才可以俾到安全感我,一種好實在的感覺.