今日打左電話去差館,原來之前同我落口供的差人伯伯退左休了,眨下眼就咁快過左一年了,記得一年前你陪我去落口供,仲搞到夜晚一兩點先番到屋企tim.果次係我咁大個女第一次去差館報案,有d驚架,不過我很幸運,因為有人陪在身邊.

聽講聽日又涷番了,最怕咁涷的天氣,一涷咩都唔想做,只想瞓,但涷的制要瞓都好難.

小黑氹得爸爸媽媽很開心.笑到成個小朋友咁.

不知何解?左手無名指由琴日痛到而家,感覺好似痺痺地,又痛痛地,拉下佢又好似好d咁,莫非....

經過一夜難眠後,今天當然係無精神拉,最慘就係條腰仲痛到死下死下,雖然係咁,但隻手都無停過,無辦法了,今日唔做,聽日咪又要做番.總之做的幾多得幾時啦.一係唔痛,一痛全部都來晒,膊頭又再痛了.

謝謝你,我無事.

睇來我都要計劃下我的五天假期了,你一定唔得閒陪我架拉,因為你有痴心漢陪,我就無謂做電燈膽了,或者到最後都係留係屋企過都唔定,到時再諗了.

我仲未去攞我隻蛋蛋,本來話下次見面時俾我架,不過睇來無咁快攞到了,希望我到時仲記得了.

唔知點解?好喜歡儲蛋蛋,如果將佢地排排咁擺,一定會好靚啫.

家裡多了一個新成員,小黑.

荷蘭百合好香,較剪蘭都好香,今天識左好多花,不過我覺得會好快忘記花名了,聽人講,送花的枝數係有分別的,我只估中了一種,一支代表一心一意,十一支代表一生一世.

徐正宇真係一個深情的男人,可惜周愉琳鐘意的人郤不是他,總覺得深情,專一的男人是最吸引,或者好多女性都希望有一個咁深情的人對自己吧.相愛的人,郤偏偏不能係一齊,有許多困難阻擋了他們.周愉琳係一個好勇敢的人,或者我真係需要學習這種勇氣.

今晚同tata,圓圓,蒙,蒙妹,瑩,jane,燊仔,輝一齊去左泉章居食飯,但請食飯的人郤遲大到.d餸好好味,特別係隻鷄.今日真係好開心.

最近總讓自己很忙咁,怕靜,因為當一靜下來就會想念你.

帶著面具做人,對人歡笑,背人愁.

有些人睇事情會睇得遠d,但有些人郤喜歡睇近d,前者你可以話佢有大志有遠見,後者你可以話佢做人簡單,享受現在.兩者有好有壞,最重要係睇自己最想要咩.張栢芝有首歌叫'賭愛",愛其實真係需要賭的,只係有些人無膽去賭,有些人有勇氣賭.我已經知自己屬於哪一種人.

肚子又不聽話了,今晚又無覺好瞓了.

擔心媽鎷的身體,今年要小心.

恭喜你,希望你甜甜蜜蜜,開開心心.