行過機鋪見到本來街霸4定鐵拳6 o既位置，
換左隻國產Game三國演武，
簡直就係噴飯，呢D Game邊有人玩架？
人設唔討好不突止，仲要九唔答八，
佢整到個張飛變左punk頭渣電結他o既rock友，
想點呀？張飛關搖滾咩事呀？可用角色唔多，
仲要無女角，連賣萌都唔識抵佢無人玩，
動作生硬就唔洗講啦，如果咁o既質素，
響virture fighter第1代果陣出仲有機會吸引人玩o既。
就算鐵拳6或街霸4無人玩，都唔洗換呢隻野架？
佢放番鐵拳6或街霸4，間唔中都有人手痕入下錢，
放呢隻就不如熄左部機慳番D電費好過啦。