琴日(19/10)第一日返KFC....

下午5點至凌晨1點...

第一日返工就俾明明捉左入廚房幫佢手...

做廚房開頭都幾閒既....但收左鋪之後就唔係咁講啦....

一開始返到去都唔知做咩嫁...

都係跟住明明行黎行去多...閒到死..

跟住到左晚餐時間..開始多野做啦...

又要炸雞..又要蒸飯..整薯蓉...

忙到九點幾先得閒...

之後就到我地食野啦...食左唔係好多...

因為好熱氣嫁..咩都炸既 = =

食完就繼續係廚房行黎行去...冇咩野做...

咪同班同事係到玩囉...(俾人打 = =)

跟住到左11點幾...收鋪時間..

開始食野....洗野...收野...

食完野就幫廚房收野...

收收下...走左去幫手洗碗...

洗完...收完鋪...都成2點幾差唔多3點嚕...

走o個陣整親隻手...頂...好痛...

跟住同班同事去左公園傾計...

傾到 3點半左右就飛的去天天打機...

打到6點左右因為隻手太痛冇心機...

所以自己飛的返屋企先...佢地就繼續打到 7 點...

返到屋企都唔多訓得到..因為隻手超痛...

之後整到 7 點半先訓得著...

1點幾就俾個電話嘈醒左...

(頂...你煩唔煩嫁..一日打N次電話黎)

之後就等老豆黎...買左野上黎屋企食...

之後就傾下計...睇下電視...坐左陣...

就同老豆落左樓下茶餐廳食野...

之後就送左佢去坐車...

我就返屋企發呆 = ='

跟住我哥7點幾就出左街...

老母又返左大陸....

即係今晚又自己一個人啦...

跟住就係到聽歌...同FD傾MSN...

之後因為隻手太痛...要單手打字...又打得慢...

就唔想再打字嚕..

傾左陣電話...(都唔係一陣..兩個幾鐘..)

收左線之後就飛的去買M記...

之後又飛的返黎屋企...

食完咪打日記囉...

P.S. 原來冇得返學真係好悶嫁....好想返學...

P.S.呵呵...總於有工返啦...

BuT星期一都唔知返唔返到....隻手超..超..超痛囉...

P.S 隻手整親...好痛唷...條筋腫左...><