今日好無奈...最衰都係我自己囉!同梁嘉政打賭...唉...我同佢賭如果今日去見倒我,我俾佢任搞...結果...佢今日見倒我...佢仲話要鍚我...又係我衰...1口就應承左佢...我以為佢會唔記得,點知出奇地佢記得...我...淆底......咁星期一我應承左俾佢鍚,今次真係唔淆底!如果我淆就俾人姦!!!!
不過呀,唔淆先其啦!第1,我真係冇同過男仔咀,第2,Monkey所帶俾我o既陰影。雖然已經過左2年,但係每1次我諗返起,係巴士,公園...總之1D令到我唔想諗起有關...唉,唔想再講...越講越唔開心~總之星期一一定唔淆!(我可以輸賭梁嘉政1定唔記得!卡~*)
唉...呢排勁唔開心呀...咪就係我媽媽囉!佢成日都話我鐘意梁嘉政,又話我發姣溝仔,又同我講呢個世界大把男仔,慢慢搵唔遲,又話我成日掛住想拍拖。我想講我有可能鐘意梁嘉政,但係呢個可能,只會發生係將來,又或者唔會發生。而家更加唔會。我認我係想拍拖,但係呢個世界大把男仔,同時地呢個世界又有大把女仔,人地要簡,都唔簡我啦!好似以前Monkey話齋,我只係豬扒1件,冇人要好正常。
日日就俾人咁鵝,鵝到我就喊就喊佢先開心。成日叫我俾心機讀書,我有,但佢又話我冇。好,我都知我廢,我冇用,但係都唔好話我D fd!成日係度話梁嘉政乜,梁嘉政乜,佢係我條仔俾人彈冇所謂o者,但係佢係我個fd。男朋友話俾你簡,冇所謂!但係我識朋友都要經過你批準?
哈!唔怪之得我俾人笑我自閉妹,心理唔正常啦!同班fd出街,最近,上水,最遠,上水。同班fd出沙田都要偷偷摸摸,冇野好講啦!成日就話對我好,怕我俾人"蝦",點知就同D fd離哂堆,搞到我成個裙腳妹咁,我冇俾人笑到面黃我已經偷笑~!點解我D fd咁對我,好明顯啦!
我就快16歲啦!唔係6歲呀!我知邊D野該做,邊D野唔該做,我唔係白痴囉!我怕咩呀?由細俾人打到大,俾人困黑房,我D屋企人對我做o既野,簡直唔係人做!話買隻洋娃娃俾我,嚇倒我喊,仲要打。佢地見到我喊不知幾開心。冇記錯係我4,5歲之前o既事。哈!仲有咩可以嚇到我?我都唔知前世做過乜,今世咁唔好過!
|
