樂觀又積極！
昨天煲了一煲＂糖水＂。唉∼∼∼∼∼∼∼容許我長嘆一聲。我煲羅漢果湯，加了兩隻羅漢果！人地平日煲湯都只係落半隻，而我就加左兩隻。成煲湯好甜好甜，似係糖水咁的味！
我覺得，自己煲出了一種地獄的味道！飲完之後個人好想嘔！因為＂糖水＂中有小小咸味同豬肉的味道，Ｄ湯渣又有好大陣的羅漢果同甜味！湯在口裏面的時候，係身處於第１８層的地獄；而飲左落去之後，係第１７層。因為羅漢果會在喉嚨度回甘，而且有胃氣出來的時候，又係成陣地獄的味道！我唔想其他人都見死神，所以好決絕亦毫無捨不得的情況之下把所有湯同湯料倒晒，免它為害人間！
唯一對唔住的就係阿珠了。因為我係想煲俾佢飲的等佢消除疲勞，點知。。。。我都好內疚呢！不過唔緊要，邊度跌底就邊度爬起身！下次我又要再煲羅漢果湯！煲到好為止！永不言敗∼∼哈哈哈哈（仰天大笑∼∼！）
今日好積極同好樂觀呀！都唔知發生咩事，好有衝勁呢！趁而家咁有衝勁就快Ｄ做野了，唔係等陣過左氣又會變懶！自己要加油呀！
|
