我都大約睇過一部份 zombie survival guide，幾有參考性既一本書
重點：
- Solanum 係一種病毒，以攻擊並佔據人腦為主既病毒，型成「喪屍」並會控制肉身去攻擊其他未被感染既生物，包括非人類既生物。要將呢一類衣屍殺死，係要將腦袋摧毀先可以。
- 半自動步槍，M1 Carbine 呢一類高準確性既步槍係火器之中最好既選擇，書入面話有記錄係 1947 年有一個被困既女人係 12 秒內將 15 個迫近既喪屍轟殺，即全部都係射頭，而 1947 年之中有 15 發子彈既半自動步槍應該係指美軍二戰配備既 M1 Carbine
- 火器永遠係獵殺喪屍既最後手段
- 書中提出唔可以正面對抗而係回避開喪屍既行動目的，因為喪屍既數量必定比你手上既子彈來得多
- 只要被喪屍攻擊過而受傷，個個人都會受到感染後 24 小時後死去並成為喪屍既一份子，也就是說，如果你同伴不幸受到攻擊而受傷，請你為己為人，將佢了斷，當然可能佢自己會先係意識仲穩定時自我了斷。
- 團體 4-6 人會係最好既行動人數，不論係獵殺喪屍又好，生存逃生小隊都係係書中多次提及既團體合作最佳人數。因為多過 10 人會開始有控制上既問題，包括行動力下降、對隊長有質疑既機會都會增加。
- 智識先係喪屍最大既敵人而唔係任何武器
- 永遠同喪屍打機動戰而唔係防禦戰、消耗戰
- 書中預估如果全球已成為喪屍所控制既話，最快需要五至十年先可以等到屍體自我分解而解除喪屍既侵襲。而書中保守計係 20 年
- 承上，20 年後建議先派出小隊偵察，如果預定時間未有回覆 / 隊伍未回航，要警戒難民營地有機會被喪屍群發現並攻擊。
- 世界末日後逃出生天既人類要群策群力通力合作，咁做生存率可以大大提升，而且可以令更多既文化智識保留下來
- 電鋸絕對係自殺既防禦武器既首選
- 喪屍食人係無消化到，有一個報告指將一隻喪屍擋開後胃入面有近幾磅人肉但未有消化過既痕跡
仲有其他好有 point 既野係書入面，不過....
真係有呢種咁神奇既病毒先算
因為條件對呢種病毒都太苛刻了，可以令大腦死亡，都係正常，但可以令一個生物既驅體唔飲唔食去支撐上幾年...唔通呢隻病毒係米諾夫斯基產物？！如果話可以撐上幾日，而幾日內咬到其他人會傳染都可以講得埋，但可以撐上幾個星期幾個月，實在...
|
