我今日呢,就9點鐘起左身,勁肚餓,但都冇食到野,之後就開電腦啦,玩左陣到左10點半先練琴,10點11就出左門口啦,
落到西貢就搵麻雀同水怪食野啦,麻雀好準時但水怪就...咁我地唔理佢啦,食飽之後再打比佢,佢話你地去學琴先啦,
我自己食野,問佢做咩遲到,佢話訓過『農』喎,真係o左咀囉,我地就唔理佢啦,學完琴就打比佢啦,咁我地就去左搵
佢啦,等埋燕燕就一齊返band,返到去得果幾個人,咁我地都冇野啦,自己係到練野,之後,我同水怪諗住去toilet啦,
麻雀就走左過黎,話去裝水啦,我地去到點知部飲水機冇水,就諗住過小食部果到裝水,點知見到條蛇,我同麻雀就
想走啦,點知水怪話邊到有呀,佢要睇喎,我就陪佢睇啦,比麻雀鬧,傻嫁等陣佢走返出黎你就死啦,咁我地就去
toilet啦,攪左咁耐,好彩冇比人鬧,到左唔知幾點,我地就full band啦(即係一大班人用樂器一齊夾歌),勁好玩
啦,不過我勁『魚』囉,人地話明要返頭啦,點知我冇返,d人話做咩冇返頭,我又啞左...咁冇野啦,之後重好笑,
我隔離個form1冇啦啦吹下吹下就勁唔訓氣咁勁大聲吹左下,我問佢做咩咁,佢話佢地吹得勁快喎,跟唔到,唉真
係...話咁快就放左啦,執野走人,之後同佢地去左食野,我又借左水怪1蚊啦,真冇用...又去左圖書館,行左1陣,就
走啦,麻雀要買廁紙,咁就去左永寧啦,去到係門口到企左陣,有個女人話,依你個咀敏感喎,我地呢集唇膏呢,防
敏感嫁十幾蚊支,買返支啦,我就冇應佢啦,之後佢又話,我地呢集潔面乳,可以防暗瘡,攞包試下啦就比左我地,
咁得地就去等車啦,坐係度,點知個咸濕佬望住我,我即刻叫佢地走啦,等下班車先返屋企,我地去左光明,又去
左買包,之後就等車車,返屋企啦...今日講既野就係咁多,想睇就多d留言同埋上黎啦...
|
