老實講...我討厭長假期...總係令我頹廢起來...
每日既活動不外乎食,玩,訓呢3個字...
每日訓到1,2點...跟住起身打機...跟住出街....
番到黎又打機...打到3,4點先訓...
而功課呢樣物體總是臨番學先發奮...
係呢個復活假...我捱左3次通宵...
目的都係調正番自己個生理時鐘...
但調番又點!?
係咪都會一樣照打機...
唔做功課..唔溫書...?
一直以黎....呀媽都話我好聰明...
話我未讀幼稚園就識好多中文字...
話我讀幼稚園個陣就識搭lift逃學....
話我講野好叻.....
話我呢樣個樣....
但係有野樣....一直以來屋企人個個都話我既...
就係懶....
每日放學...一係到屋企...開電腦...
測試考試...開電腦...話就話溫書...其實溫唔夠5min就係到打機...上網..
唔係話我讚自己...都目前為止...冇一次測驗考試我係真係真係努力過
f.1尾考試個次算係比較比心機...
一年級...10名
二年級...28名...
三年級...31名
四年級...36名
五年級...42名...
六年級...76名..
f.1........100名..
f.2頭.....111名...

年年都係到考天才....結果!?
年年都退步...

雖然係咁...但呀媽都話:仔,你而家都可以繼續玩你d課外活動...但f.3就要努力讀書啦..
我小六曾經講過:升到中學我一定會努力d讀書!
結果就讀到咁...雖然唔算太差...但屋企人都頗失望...
上到f.3...唔通真係唔玩drama.唔玩結他..唔打壁球!?
就算真係唔玩...我係咪真係會努力讀書!?