終於做完廣交會啦, 回想起來, 今次廣交會實習都幾好玩
廣交會共有兩個展覽館, 琶州館同流花館. 而且一年有兩屇, 一屇有兩期, 而我o既實習就係必須做哂兩期o既, 即從4月15-20, 25-30號. 面我工作o既地方就係位於琶州館架啦.
本人覺得呢, 做一期就好玩, 有新鮮感, 但做哂兩期就好厭倦囉.
第一期o既時候真係好忙, 尤其係開館第一日(15號), 簡直就可用空前絕後黎形容, 場面之盛大真係夠噓堪!!!
黎辦証o既人多到排到地鐵口, 好恐怖!!! 仲差d暴動添, 哈哈~真係好大場面架!
有幸參與其中, 真係難能可貴o既經驗!!!
雖然每日都好辛苦, 要企足10個鐘, 日日朝早6點起身, 8點開工, 6點先收工, 番到學校學校已經7點幾啦, 但好充實.
然而第二期就空閑好多啦, 所以我番到27號就放假啦, 哈哈~提早退休!!!
廣交會不愧為廣州第一大交易會, 場面之浩大, 絕非我o地普通人可以猜想得到架
廣交會聚集左好多國際著名商品供國內外商人採購
我o既工作就係為來自世界各地o既商人驗証啦, 驗証完畢後, 佢o地先有權申請"採購商証" 入館採購
我o既工作好有影響力架, 因為有好多buyer都無視我o地o既存在, 橫衝直撞咁直接去到櫃台辦証, 哈~結果米又係要番黎我度驗左証先可以辦証, 呵呵~因為只要client未經我o地(驗証員)許可蓋章, 櫃台同事係絕對唔會受理o既, 把弊呢!!!
廣交會期間發生左好多事, 真係獲益良多架, 見識到好多野.
而且"吞pod"期間, 我仲可以入館玩添, 第一期展o既係家電, 科技類商品, 第二期展出o既係食品, 日用品類.
由於第二期少左好多人黎報到(可能因為d人第一期已經apply 左証, 可以入場啦掛, 所以第二期就唔駛再apply 多次), 所以我多左好多入館參觀o既時間
哈哈~但我通常都係行去食品區架咋, 因為可以試食囉, 呵呵~日日tea time 都係館內食野, 任食唔嬲, 好正架!!!
