呢幾日真係令我明白左好多野..

「家」呢個字 看上黎好容易,其實要兼顧..確係不容易，

當然，我未到成家立室既地步，但係，係家庭角色中，作為兒子既我，

對家應該負一點點責任吧！

呢d都唔係我自己領悟出黎.."

可能係比人鬧完吧.."

唔多唔少都有d反思

＝＝＝＝＝＝＝＝＝＝＝＝＝＝＝＝＝＝＝＝

星期五,

我一番到屋企,就同阿媽講 我約左人出去睇戲

佢黑晒口面,就鬧我了

佢話:你讀好d書先好出街啦,一個星期去足六日..

的確,我日日都出左街.."

係個刻我都算無言..但仲未有醒覺.."

只係一路同佢「撐」..

我做晒功課啦,又溫左星期一要考既野..點解唔出得?

當時既我 我覺得我已經岩晒..

一時之氣吧~

之後媽一句就話:你為呢個家 做過d咩?

係個一刻..我真無奈左了..因為,我諗左好耐好耐.我為呢個家付出唔多..

我係一個單親家庭..我不單止無好好盡過做兒子既責任..仲日日出去玩...

有d慚愧..係個一刻 我真喊到咩咁..

d眼淚係咁流出黎..我為呢個「家」真係咩無做過...

最引而為傲都只係煮過一餐飯比阿媽食..(不過我屋企真係少煮野)

半年無喊過既我..為左個「家」字 竟然喊到豬頭咁..都幾可笑..

我成日覺得係呢個「家」好大壓力,好大壓力..

點知..我背後既母親承受住比我更大既壓力..

如果我一早可以用「惻隱之心」諗一諗佢..

其實佢真係好辛苦..

屋企既衫又係佢洗,衫又係佢晾,事無大小都係佢做...

我屋企得2個人.."我日日玩..我既快樂就建築係佢痛苦之上..

我發覺自己真係好依賴..假設有一日佢出左去番工..我一定攪到屋企一團糟吧..

一個懂性既孩子應該為自己既家付出吧..

付出左..就算無回報..都唔算係白費...因為你既一點點力..已經為呢個家..減輕左壓力..

從此之後..我唔想再令阿媽勞氣

我會去少d街..幫佢做多d家務..

唔會再對呢個家有怨言..因為我都有份住..""

可能一個正常既家庭..

子女既壓力會相對地細吧..

因為阿媽同阿爸都會大多做晒屋企既家務..

不過..如果由家庭成員一個付擔晒所有既野..

一定會有一日爆發..

變成唔和諧既家庭..........

所以大家有時間不仿靜落黎諗一諗?

我為呢一個「家」付出左d咩?