佢阿叔番到佢屋企摟下既時候~就砰一聲仆低左~之後講左佢阿媽個電話出黎~叫人打比佢阿媽

佢知道左佢阿叔死左之後~佢就係到諗~個天係唔係想比佢阿叔食飽左先死呢?

第三個就係佢阿爺~佢阿爺成日都落摟下捉棋~日日都捉到好夜~但係佢死之前果日~就好早番黎

佢阿爺番黎既時候~阿彤仲問點解咁早番~佢阿爺話個心有d痛~所以早d番黎~阿彤就同佢阿爺講~叫佢去睇醫生~但係佢阿爺話等間先~之後佢地仲有講有笑~佢阿爺連晚飯都冇食~去左訓教~之後阿彤就問佢點解唔食~佢阿爺話冇胃口~仲話個心好痛~咁阿彤就同佢阿媽講~之後送左佢去醫院~第二日~阿彤放學番黎既時候~佢姑媽打比佢阿嫲話~佢阿爺死左~佢阿嫲聽到之後就大叫~點解會死左ga?阿彤話佢唔洗諗都知邊個死左~因為得佢阿爺一個入左醫院~

去到醫院既時候~佢姑媽話救左半個鍾~都係唔得...但係佢阿爺冇反應既時候(姐係死左果時)~醫院冇人打比佢~係救左半個鍾都係唔得既時候先打~跟住阿彤入左去睇佢阿爺~但係佢阿爺唔係o係救人果個地方~係o係佢間病房到~

佢就係到諗~到底個醫生係o係到救佢阿爺~定係唔係呢?如果係到救~d儀器咪冇咁勁囉~到底個醫生有冇盡力救佢阿爺ga?如果去果到救~可能會救得番都唔定

之後佢諗番起佢阿爺係佢死前一日做既野~佢早番....可能係因為知道自己會死~佢唔去睇醫生~係因為想留多係到一陣~見多佢地一陣~

之後阿彤仲係咁講佢阿爺野~講佢阿爺生前d野~

跟住講完之後~就講佢阿嫲之前離家出走(我之前d日記都有講)~番左去佢間舊屋到

間舊屋有阿彤同佢阿爺既回憶~但係佢阿嫲就話想賣左間屋

阿彤話~佢想拎番佢阿爺送比佢既公仔~因為e件係佢阿爺最後一件送比既野

聽到e到~我聽到阿彤把聲怪怪地~我知佢想喊~因為我都有d想喊

我發覺原來我唔係冷血~聽到佢阿爺d野~我真係有d想喊

佢d親人既死令到我明白到~要珍惜眼前既人~如果唔係既話~佢死左~你想見都見唔到呀

阿彤d野令我明白~好多唔好既野都發生係阿彤身上~唔怪得知~阿彤會咁成熟

原來佢經過左咁多事~

原來發生一d事~真係會令人成長唔少ga